Search
Sunday 24 June 2018
  • :
  • :
Latest News

యోగాసనాలకు ముందు..

ప్రతిరోజు ఉదయం మనం చేసే ముఖ్యమైన పని వ్యాయామం చేయడం. యోగా చేయడం ద్వారా అనేక ఆరోగ్యాప్రయోజనాలు ఉంటాయి. యోగాసనాలు వేసే ముందుగా కొన్ని జాగ్రత్తలు పాటించాలి. రోజు కనీసం యోగాకు గంట సమయమైన కేటాయించాలి. దానిలో అరగంట ఆసనాలకు, 10 నిమిషాలు ప్రాణాయామం, 20 నిమిషాలు ధ్యానానికి కేటాయించుకుంటే మంచి ఫలితాలను పొందవచ్చును. ఆసనాలు వేసే ముందుగా తీసుకోవలసిన కొన్ని సూచనలు తెలుసుకుందాం.

Yoga

* 8 నుండి 60 సంవత్సరాల వయస్సు గల వాళ్లు మాత్రమే యోగా చేయాలి. తెల్లవారుజామున లేచి కాలకృత్యాలు తీర్చుకున్న తరువాత యోగాసనాలు వేయాలి. ఆసనాలు వేసే ముందుగా గోరువెచ్చటి నీటితో స్నాసం చేస్తే మంచిది. ఉదయాన్నే ఆసనాలు వేయడం వల్ల ఆ సమయంలో ఏర్పడే గాలిలో ప్రాణ శక్తి ఎక్కువగా ఉంటుంది. శబ్దాలు, గోలలు లేకుండా ఉండే ప్రదేశాలలో మాత్రమే యోగా చేయాలి.
* పలుచటి బట్టను నేలపై పరిచి పద్మాసనం లేదా సుఖాసనం లేదా మీకు ఇష్టమైన ఆసనాన్ని వేయాలి. ఆ తరువాత ప్రశాంతంగా కనులు మూసుకొని ధ్యాస శ్వాసమీదే నిలపాలి. గాలి వదిలినప్పుడు పొట్టను లోపలకు పీల్చినపుడు ముందుకు వస్తుందో లేదానని గమనించాలి. దీనికై పొట్ట ద్వారా కాకుండా, ఛాతీ ద్వారా గాలి పీల్చుకుంటే మాత్రం శ్వాససరి కాదని గుర్తించుకోవాలి.
* ఆసన ప్రారంభ సమయంలో పద్మాసనం, వజ్రాసనం ఏదైనా వేయాలి. ఆసనం వేసేటప్పుడు ఎప్పుడూ తొందర పడకూడదు నెమ్మదిగా వేయాలి. ఆసనం వేసిన తరువాత కొన్ని నిమిషాల పాటు అలానే ఉండాలి. ఆసనం వేసేటపుడు ఎంత నెమ్మదిగా వేస్తామో అంతకంటే నెమ్మదిగా మామూలు స్థానంలోకి రావాలి. గాలి పీల్చటం, వదలటం వంటి ఆసనాల్లో పైకి శబ్దం వచ్చేలా వదలటం, పీల్చటం చేయకూడదు.
* ఏ ఆసనమైనా వేసేటపుడు రొప్పుతూ లేదా ఆయాస పడుతూ చేయకూడదు. ఇలా చేయడం మీ శరీర ఆరోగ్యానికి హానికరం. కావున ఆసనాలు వేయాలనుకుంటే కాస్తే నెమ్మదిగా, జాగ్రత్తగా వేయాలి. అప్పుడే మీరు చేయాలకున్నది చేయగలుగుతారు. యోగా చేసేటపుడు తొందరపాటుతనం పనికిరాదు. ఉదయాన్నే యోగాచేయుటవలన మంచి ఆరోగ్యం లభిస్తుంది, రోజంతా ప్రశాంతంగా ఉంటుంది.

Comments

comments