Home తాజా వార్తలు ఆకాశ్ పూరీ ’ రొమాంటిక్‘

ఆకాశ్ పూరీ ’ రొమాంటిక్‘

AkashPuriహైదరాబాద్‌: ప్రముఖ తెలుగు దర్శకుడు పూరీ జగన్నాథ్‌ కొడుకు ఆకాశ్‌ పూరీ మూడో సినిమా ఖరారైంది. ఈ సినిమాకు ‘రొమాంటిక్‌’ అనే టైటిల్‌ను ఖరారు చేశారు. ఈ క్రమంలో ఆకాశ్‌కు సంబంధించిన ఫొటోను సోషల్‌మీడియాలో సినిమా యూనిట్ విడుదల చేసింది. ఈ సినిమాకు అనిల్‌ పాడూరి దర్శకత్వం వహిస్తున్నారు. పూరి జగన్నాథ్ స్క్రీన్‌ ప్లే, డైలాగులు, కథ అందిస్తున్నారు. పూరీ కనెక్ట్స్‌ బ్యానర్‌పై పూరీ జగన్నాథ్ నిర్మాతగా వ్యవహరించనున్నారు. త్వరలోనే ఈ సినిమాకు సంబంధించిన మరిన్ని వివరాలు ప్రకటిస్తామని పూరీ జగన్నాథ్ తెలిపారు.  గతేడాది ‘మెహబూబా’  సినిమాలో ఆకాశ్ నటించాడు. ఈ సినిమాకు పూరీ జగన్నాథ్‌ దర్శకత్వం వహించారు. పునర్జమ్మ, ప్రేమకథా నేపథ్యంలో వచ్చిన ఈ సినిమా అంతగా ఆకట్టుకోలేకపోయింది. ఇప్పుడు ఆకాశ్‌ నటించబోయే రోమాంటిక్ సినిమా కూడా ప్రేమకథ నేపథ్యంతోనే తెరకెక్కుతోంది. దీంతో ఈ సినిమాపై భారీ అంచనాలు నెలకొన్నాయి.

Akash Puri act in ’Romantic‘ Movie