Search
Thursday 15 November 2018
  • :
  • :
Latest News

మరో భారీ కుంభకోణం వెలుగులోకి..

bs

రూ.2,654 కోట్ల స్కామ్ : గుజరాత్ సంస్థ డిపిఐఎల్‌పై సిబిఐ కేసు

న్యూఢిల్లీ: బ్యాంక్ కుంభకోణాల పరంపర కొనసాగుతోంది. ఇప్పటికే అనేక కుంభకోణాలు వెలుగులోకి వచ్చి బ్యాంకింగ్ వ్యవస్థపై ప్రజలకు నమ్మకం పోయేలే చేశాయి. తాజాగా మరో భారీ బ్యాంకింగ్ కుంభకోణం వెలుగులోకి వచ్చింది. వడోదరకు చెందిన విద్యుత్ కేబుల్స్, సామగ్రిని తయారు చేసే కంపెనీ డిపిఐఎల్(డైమండ్ పవర్ ఇన్‌ఫ్రాస్ట్రక్చర్ లిమిటెడ్) దాదాపు రూ.2,654 కోట్ల మేర బ్యాంకులకు కుచ్చుటోపీ పెట్టింది. కంపెనీ డైరెక్టర్లు, కంపెనీ కార్యాలయం, నివాస ప్రాంగణాల్లో సిబిఐ ఇప్పటికే దర్యాప్తు ప్రారంభించింది. 11 బ్యాంకుల  కన్సార్టియాన్ని భారీ ఎత్తున మోసం చేసిన వ్యవహారంలో ఈ కంపెనీపై కేసు నమోదు చేశామని సిబిఐ ప్రకటించింది. ఆర్‌బిఐ(భారతీయ రిజర్వు బ్యాంక్) డిఫాల్ట్ జాబితాలో, ఎక్స్‌పోర్ట్  క్రెడిట్ హామీ కార్పొరేషన్ హెచ్చరిక జాబితాలో ఉన్నప్పటికీ కంపెనీ, దాని డైరెక్టర్లు  తప్పుడు పద్ధతుల్లో రుణాలు పొందారని సిబిఐ ఆరోపిస్తోంది. అక్రమ మార్గాల్లో డిపిఐఎల్ సంస్థ రూ. 2,654 కోట్ల  రుణాలను తీసుకుందని, ఈ స్కామ్‌కు సంబంధించి కంపెనీపైనా, డైరెక్టర్లపైనా కేసు నమోదు చేశామని సిబిఐ అధికారులు తెలిపారు. కంపెనీ ప్రమోటర్ ఎస్‌ఎన్ భట్నాగర్, అతని కుమారులు, కంపెనీ ఎగ్జిక్యూటివ్‌లు అమిత్ భట్నాగర్, సుమిత్ భట్నాగర్‌లపై కేసు నమోదు చేశామని అధికారి ఒకరు తెలిపారు. ఈ కంపెనీ.. బ్యాంక్ ఆఫ్ ఇండియా- నుంచి రూ.670 కోట్లు, బ్యాంక్ ఆఫ్ బరోడా- నుంచి రూ.349 కోట్లు, ఐసిఐసిఐ బ్యాంకు నుంచి- రూ.279 కోట్ల రుణాలు పొందినట్టుగా సిబిఐ ఎఫ్‌ఐఆర్‌లో పేర్కొంది.

Comments

comments