Home తాజా వార్తలు కృష్ణబిలం టక్కరితనం బట్టబయలు

కృష్ణబిలం టక్కరితనం బట్టబయలు

krishna-bilamసూపర్ కంప్యూటర్‌ను, సాంకేతిక నిర్మాణ ప్రక్రియను ఉపయోగించి కృష్ణబిలం టక్కరితనాన్ని అంతర్జాతీయ పరిశోధక బృందం ఎట్టకేలకు కనుగొన గలిగింది. దాదాపు నలభై ఏళ్లుగా ఈ విచిత్ర తత్వాన్ని తెలుసుకోడానికి పరిశోధకులు ముమ్మరంగా ప్రయత్నిస్తున్నారు. కృష్ణబిలం తత్వంపై 1975లో మొదట సిద్ధాంతం వెలువడింది. గిరగిర తిరిగే కృష్ణబిలం లోపలి ప్రాంతం భూమధ్య రేఖ వరుసలో తప్పనిసరిగా చేరుతుందని సిద్ధాంతీకరించారు. కానీ ఈ లోపలి ప్రాంతం ఏ విధంగా కృష్ణబిలం ప్రభావంతో వంకర అవుతుందో అర్థం కావడం లేదు.

కానీ ఈ ప్రభావం మొత్తం నక్షత్రాల సమూహంపై కనిపిస్తుంది. అయితే ఇప్పుడు కనుగొన్న కొత్త పరిశోధన చాలావరకు సందేహాలను నివృత్తి చేయగలిగింది. శాస్త్రవేత్తలు ఏప్రిల్ 10 న కృష్ణబిలం మొదటి చిత్రాన్ని చూడగలిగారు. వాస్తవానికి కృష్ణబిలాన్ని నేరుగా చూడలేరు. కృష్ణబిలం ఎలాంటి కాంతిని వెదజల్లదు. కృష్ణబిలం బలమైన గురుత్వాకర్షణ శక్తి వల్ల దుమ్ము వ్యర్ధాలు ఎక్కువగా కమ్ముకొస్తుంటాయి. వాయువు, ఇతర ధూళి కణాలు లోపలి అంచుల్లో గిరగిర తిరుగుతుంటాయి. ఒక బిళ్ల వంటి ఆకారాన్ని పెంపొందిస్తాయి. ఆ వలయాకారమే కొంతవరకు కన్పిస్తుంది. దీనివల్ల విశ్వాంతర రహస్యాలు తెలియడమే కాక కృష్ణబిలాల మర్మాన్ని తెలుసుకోవచ్చు.

Black hole