Search
Sunday 23 September 2018
  • :
  • :
Latest News

ఎస్సి హస్టళ్ళను సందర్శించిన కలెక్టర్

Collectorవసతి గృహాల నిర్వహణ పర్యవేక్షణ విద్యార్థులదే 

మన తెలంగాణ/సిటీ బ్యూరో : సమస్యలకు నిలయాలుగా మారిన ఎస్‌సీ హాస్టళ్ల రూపు రేఖలు మారునున్నా యి. దీర్ఘ కాలంగా కనీస వసతులకు కూడా నోచుకుని హాస్టళ్లకు పూర్తిస్థాయి మరమ్మతులను చేపట్టనున్నారు. ఇందుకు సంబంధించి జిల్లా కలెక్టర్ డాక్టర్ యోగితా రాణా జిల్లా క్రూషియల్ బ్యాలెన్స్ ఫండ్ నుంచి రూ.1. 50 కోట్లు కేటాయించారు. ఈ నిధులతో అంబర్‌పేట్, సైదాబాద్, యాకుత్‌పురా, ఎంజె మార్కెట్ కళాశాల విద్యార్థుల హాస్టళ్లతో పాటు కాచిగూడలోని బాలికల వసతి గృహాలను ఆధునీకరించనున్నారు. మంగళవారం ఎంజె మార్కెట్, అంబర్‌పేట్‌లోని ఉన్న ఎస్‌సి కళాశాల విద్యార్థుల హాస్టళ్లను సందర్శించి మరమ్మతులకు సంబంధించి ప్రతిపాదించిన పనులను పరిశీలించారు. ఈ సందర్భంగా పలు హాస్టళ్లలో కనీస సౌకర్యాలు కూడా లేకపోవడం చూసి చలించి పోయారు. దీంతో ఆమె విద్యార్థులతో చర్చించి అదనంగా కావాల్సిన సౌకర్యాలను అడిగి తెలుసుకున్నా రు. ఈ సందర్భంగా కలెక్టర్ యోగితా రాణా మాట్లాడుతూ ఎంజె మార్కెట్‌లోని వసతి గృహాంలో అదనపు ఫ్యాన్లు, సిఎల్‌ఎఫ్ బల్బులు, పార్కింగ్, టైల్స్, ఆర్‌ఓ మంచినీటి ప్లాంట్‌తో పాటు అదనంగా 4 గదు లు, ఒక హాలును నిర్మించనున్నట్లు తెలిపారు. అదేవిధ ంగా డ్రైనేజ్, స్నానపు గదులు, మరుగుదొడ్ల మరమ్మతు లు చేపట్టనున్నట్లు ఆమె వెల్లడించారు. ఇక్కడ నెలకొన్న డ్రైనేజి సమస్యను పరిష్కరించేందుకు జిహెచ్‌ఎంసితో స్వయంగా మాట్లాడనున్నట్లు చెప్పారు. లైబ్రరీ రూం ను పరిశీలించిన కలెక్టర్ పోటీ పరీక్షలకు ఉపయోగపడే పుస్తకాలను తెప్పించనున్నట్లు ప్రకటించారు. అంబర్‌పేట్ బాలుర హాస్టళ్లును పరిశీలించిన కలెక్టర్ అక్కడ నె లకొన్న నీటి సమస్యను శాశ్వతంగా పరిష్కరించేందుకు అన్ని చర్యలు తీసుకుంటున్నట్లు వారు వెల్లడించారు. టాయిలెట్ బ్లాక్‌ను పూర్తిగా ఆధునీకరించి, 24 గంట లు రన్నింగ్ వాటర్ సదుపాయాన్ని కల్పించనున్నట్లు తెలిపారు. ఈ కార్యక్రమంలో ఎస్‌సీ అభివృద్ధ్ది శాఖ డిడి హన్మంత్ నాయక్, ఎస్‌ఎస్‌ఎ ఈఈ భాస్కర్ తదితరులు ఉన్నారు.
విద్యతోనే సామాజిక మార్పు…
విద్యతోనే సామాజిక మార్పు సా ధ్యమని జిల్లా కలెక్టర్ డా క్టర్ యోగితా రాణా విద్యార్థులకు ఉద్భోధించారు. నిరుపేద విద్యార్థులకు విద్యావకాశాలను పెంపొందించడమే లక్షంగా ప్రభు త్వం అనేక సదుపాయాల ను కల్పిస్తోందన్నారు. అందు లో భాగంగానే ముఖ్యమంత్రి కె.చంద్రశేఖర్ రావు ఆశయాలకు అనుగుణంగా వసతి గృహాల్లో మౌలిక వసతులను మరింత మె రుగుపర్చేందుకు కౄషియల్ బ్యాలెన్స్ ఫండ్ నుంచి పనుల ను మంజూరు చేసినట్లు చెప్పారు. వసతి గృహా ల నిర్వహాణను విద్యార్థులే పర్యవేక్షించుకోవడంతో పా టు పరిసరాలను పరిశుభ్రంగా ఉంచుకోవాల్సిన బాధ్య త విద్యార్థులపైనే ఉందని స్పష్టం చేశారు.

Comments

comments