Search
Wednesday 21 November 2018
  • :
  • :

ఉపాధి హామీ…అక్రమాల గని

Corruption in the rural employment guarantee scheme

మహాత్మాగాంధీ జాతీయ గ్రామీణ ఉపాధి హామీ పథకం ద్వారా కూలీలకు ఉపాధి కల్పించి గ్రామాల్లో వలసలను నివారించేందుకు ఉద్దేశించినప్పటికీ పనుల నిర్వహణ తీరు అభాసుపాలవుతుంది. క్షేత్ర స్థాయిలో సిబ్బంది అవినీతికి పాల్పడుతుండడంతో ఈ పథకం అక్రమాల గనిగా మారింది. సామాజిక తనిఖీలతో బహిర్గతం అవుతున్నా అవినీతి అక్రమాలు కొండను తవ్వి ఎలుకను పట్టిన చందంగా మారింది. గ్రామాల్లో నిర్వహిస్తున్న ఉపాధి పనుల్లో జరుగుతున్న అవినీతిని సామాజిక తనిఖి బృందాలు వెలికి తీస్తున్నప్పటికీ రికవరీ నామమాత్రంగా మిగిలింది. రెవెన్యూ రికవరీ చట్టం ద్వారా అక్రమార్కుల నుండి నిధులను తిరిగి రాబట్టుకునే అవకాశం ఉన్నప్పటికీ ఆచరణకు నోచుకోవడం లేదు. చారాణ రికవరీ చేసి బారాణా ఖర్చులు చూపేట్ట్టడం తనిఖీ బృందాల పనితీరుకు అద్దం పడుతుంది. ఈ బృందాల పర్యటన తీరు విహార యాత్రను తలపిస్తుంది. తూతూ మంత్రంగా ప్రజా వేదికలు నిర్వహిస్తూ మమా అనిపిస్తున్నారు.
మనతెలంగాణ/నిజామాబాద్ రూరల్:మనతెలంగాణ/నిజామాబాద్ రూరల్: మహాత్మాగాంధీ జాతీయ గ్రామీణ ఉపాధి హామీ పథకం ద్వారా కూలీలకు ఉపాధి కల్పించి గ్రామాల్లో వలసలను నివారించేందుకు ఉద్దేశించినప్పటికీ పనుల నిర్వహణ తీరు అభాసుపాలవుతుంది. క్షేత్ర స్థాయిలో సిబ్బంది అవినీతికి పాల్పడుతుండడంతో ఈ పథకం అక్రమాల గనిగా మారింది. సామాజిక తనిఖీలతో బహిర్గతం అవుతున్నా అవినీతి అక్రమాలు కొండను తవ్వి ఎలుకను పట్టిన చందంగా మారింది. గ్రామాల్లో నిర్వహిస్తున్న ఉపాధి పనుల్లో జరుగుతున్న అవినీతిని సామాజిక తనిఖి బృందాలు వెలికి తీస్తున్నప్పటికీ రికవరీ నామమాత్రంగా మిగిలింది. రెవెన్యూ రికవరీ చట్టం ద్వారా అక్రమార్కుల నుండి నిధులను తిరిగి రాబట్టుకునే అవకాశం ఉన్నప్పటికీ ఆచరణకు నోచుకోవడం లేదు. చారాణ రికవరీ చేసి బారాణా ఖర్చులు చూపేట్ట్టడం తనిఖీ బృందాల పనితీరుకు అద్దం పడుతుంది. ఈ బృందాల పర్యటన తీరు విహార యాత్రను తలపిస్తుంది. తూతూ మంత్రంగా ప్రజా వేదికలు నిర్వహిస్తూ మమా అనిపిస్తున్నారు. అవినీతిలో బాగస్వాములైన ఆశాఖ అధికారులే ఈ తనిఖీ బృంధం నివేదికపై తుది నిర్ణయం తీసుకునే అధికారం ఉండడంతో అక్రమార్కులు సునాయసంగా బయట పడుతున్నారు.
ప్రయోజనం లేని తనిఖీలు
పనుల నిర్వహణపై దేశవ్యాప్తంగా సర్వే చేసిన కేంద్ర గ్రామీణాబివృద్ది శాఖ క్షేత్రస్థాయి లోపాలపై నివేదిక విడుదల చేసింది. ఈ నివేదిక మేరకు సామాజిక తనిఖీలు నామమాత్రంగానే ఫలితాలిస్తున్నాయని తేల్చి చెప్పింది. గ్రామ స్థాయిలో సామాజిక తనిఖి ఆడిట్ విభాగంలో పది నుండి పన్నెండు మంది సభ్యులుంటారు. వీరు ఒక్కో గ్రామంలో వారం రోజులు పర్యటించి తనికీలు నిర్వహించి గ్రామస్తుల ముందు పనులు వివరాలు చదివి వినిపిస్తారు. వారానికి ఒక మండలం చొప్పున తనిఖీలు చేపడుతుండగా, రెండు లక్షల రూపాయల మేర వ్యయం అవుతుంది. కాని రికవరి మాత్రం అందులో పది నుండి ఇరవై వేల రూపాయల వరకు అవుతుంది. ఈ తనిఖి బృందం అవినీతికి పాల్పడుతున్న క్షేత్రస్థాయి సిబ్బందిని గుర్తిస్తూ నామమాత్రంగా జరిమాణ విదిస్తుంది. టెక్నికల్ అస్టింటెంట్, ఫీల్డ్ అసిస్టెంట్లను బలిపశువులుగా చేస్తున్నారు. నిధులను దుర్వినియోగం చేస్తూ మండల స్థాయి అధికారుల వరకు ముడుపులు పంచుకుంటున్నా ఎఫ్‌ఎ, టిఎల నుండి ముక్కు పిండి వసూలు చేస్తున్నారు. తాత్కాళిక సిబ్బందే ఈ అవినీతిలో కీలక భూమిక పోశిస్తున్నట్లుగా ఈ బృందాలు తేల్చి చెప్పడం గమనార్హం. జిల్లా వ్యాప్తంగా ఏడాదిలో తనిఖీల కోసం 55 నుండి 60లక్షల వరకు ఖర్చు చేస్తున్నా రికవరి నామమాత్రంగా మారింది. ఏడాదికి రెండు సార్లు తనిఖీ చేయాల్సి ఉండగా పథకం ప్రారంభం అయినప్పటి నుండి ఇప్పటి వరకు నిజామాబాద్ జిల్లాల్లో 11 విడుతల్లో 205 సామాజిక తనిఖీ ప్రజావేధికలు నిర్వహించారు. ఈ తనిఖీలకు 6కోట్ల వరకు ఖర్చు చేయగా రికవరి చేసింది 1.55కోట్ల రూపాయలు మాత్రమే. మరో 2.34కోట్ల రూపాయలు రికవరి చేయాల్సి ఉంది. కామారెడ్డి జిల్లాలో 174 సామాజిక తనికీ ప్రజావేదికలు నిర్వహించి రూ.2.29కోట్ల నిధులు దుర్వినియోగం అవగా, 1.10కోట్లు రికవరి చేశారు. మరో 1.19కోట్ల రూపాయలు రికవరి చేయాల్సి ఉంది.
ఉపాధి భోక్తలపై చర్యలేవి:
కోట్లాది రూపాయల నిధులు ధుర్వినియోగం అవుతున్నా అవినీతి పరులపై చర్యలు శూణ్యంగా మారాయి. జిల్లాలో ఏపివోలు-51, టిఏలు-318, ఎఫ్‌లు-1656, సిఓలు-194, ఈసీలు-24, ఎంపిడిఓలు, ఎఈలు-59 మందికి నోటీసులు జారి చేయగా 79 మంది కాంట్రాక్టు సిబ్బందిని నిధుల దుర్వినియోగం అభియోగంతో విధుల నుండి తొలగించారు. అయినప్పటికి మండల స్థాయి అధికారుల నుండి అవినీతి సొమ్మును తిరిగి రాబట్టడంలో విఫలం అవుతున్నారు.
కామన్ రివ్యూమిషన్ వెల్లడించిన ఆసక్తికర అంశాలు
సామాజిక తనిఖీల్లో అక్రమాలను వివరాలతో సహ బయట పెట్టినప్పటికి చర్యలు నామమాత్రంగానె ఉన్నాయని కామన్ రివ్యుమిషన్ తేల్చింది. ఉపాదిహమీ పథకంలో నిబంధనలు అతిక్రమించిన సిబ్బందికి గత 11ఏళ్లలో గరిష్ఠంగా వెయ్యి రూపాయలు మాత్రమే జరిమానా విధించినట్లు గుర్తించింది.
గ్రామ స్థాయిలో పనుల నిర్వహణ, పర్యవేక్షణ ఆశాజనకంగా లేదని ముక్కువిరిసింది. కూళీలకు వేతనాల చెల్లింపులో తీవ్రజాప్యం చేస్తున్నట్లుగా వెల్లడించింది. దస్త్రాల నిర్వహణ అసంబద్దంగా ఉందని, క్షేత్రసహాయకులు నిబంధనల మేరకు ఏడు రకాల రికార్డుల నిర్వహించడం లేదని గుర్తించి. ఫిర్యాదుల పరిష్కార యంత్రాంగం సక్రమంగా లేదని, కొలతల్లో అవినితీ కనిపిస్తుందని పెర్కొంది. జియో ట్యాగింగ్ వ్యవస్థ అందుబాటులో ఉన్నప్పటికి చేసిన చోటే తిరిగి పనులు చేస్తున్నట్లు బయట పడింది.

Comments

comments