Search
Thursday 15 November 2018
  • :
  • :
Latest News

గుజరాత్‌లో దారుణం

చెత్త ఏరుకునే దళిత వ్యక్తిని కొట్టి చంపిన ఫ్యాక్టరీ కార్మికులు
గుజరాత్‌లో దళితులకు రక్షణలేదు: జిగ్నేష్

Higher Cast Youth Murdered to Dalit Man

గాంధీనగర్ : గుజరాత్‌లోని రాజ్‌కోట్‌లో దారుణ ఘటన చోటుచేసుకుంది. చెత్త ఏరుకునేందుకు వచ్చిన ఓ వ్యక్తిని దొంగ అని భావించి  ఫ్యాక్టరీ కార్మికులు తాడుతో కట్టేసి కొట్టారు. ఈ ఘటనలో బాధితుడు ప్రాణాలు కోల్పోయాడు. ఆదివారం ఉదయం ముకేశ్ వనియా అనే దళితుడు తన భార్యతో కలిసి స్థానికంగా ఉన్న ఫ్యాక్టరీ ముందు చెత్త ఏరుకుంటున్నాడు. అయితే పనికిరాని చిన్నచిన్న ఇనుపముక్కల కోసం వారు అయస్కాంతం ఉపయోగించారు. దీంతో దొంగతనానికి వచ్చారని భావించిన ఆ ఫ్యాక్టరీ యజమాని తన సిబ్బందితో వారిపై దాడి చేయించాడు.

సదరు సిబ్బంది ముకేశ్‌ను తాడుతో కట్టేసి రాడ్లతో తీవ్రంగా కొట్టారు. సిబ్బంది దాడి నుంచి తప్పించుకున్న ముకేశ్ భార్య సాయం కోసం సమీపంలోని గ్రామానికి వెళ్లింది. ఆమె తిరిగొచ్చి చూసే సరికి ముకేశ్ తీవ్ర గాయాలతో స్పృహ కోల్పోయి కన్పించాడు. వెంటనే ఆసుపత్రికి తీసుకెళ్లగా  అప్పటికే మృతిచెందినట్లు చెప్పారు. ఘటనపై పోలీసులు కేసు నమోదు చేశారు. ఫ్యాక్టరీ యజమానితో సహా ఐదుగురిని అరెస్టు చేసినట్లు చెప్పారు. ముకేశ్‌ను ఫ్యాక్టరీ సిబ్బంది కొడుతున్న వీడియో ఒకటి సోషల్‌మీడియాలో వైరల్‌గా మారింది. గుజరాత్ శాసనసభ సభ్యుడు, దళిత నేత జిగ్నేశ్ మెవానీ ఈ విడియోను ట్విటర్‌లో పోస్టు చేశారు. గుజరాత్‌లోని ఉనాలో జరిగిన దాని కంటే ఈ ఘటన చాలా దారుణమని పేర్కొన్నారు.

Comments

comments