Search
Wednesday 19 September 2018
  • :
  • :
Latest News

వెళ్లొద్దు

కాంగ్రెస్‌లో బుజ్జగింపుల పర్వం
జైపాల్‌రెడ్డి ఇంట్లో ముఖ్యనేతల కీలక సమావేశం
పార్టీని వీడే ప్రసక్తి లేదన్న సురేశ్‌రెడ్డి

congressహైదరాబాద్: పలువురు కాం గ్రెస్ నేతలు పార్టీని వీడుతారనే ప్రచారం నేపథ్యం లో పిసిసి అప్రమత్తమైంది. నాయకులు టిఆర్ ఎస్‌లో చేరకుండా ఉంచేందుకు బుజ్జగింపులు ప్రారంభించింది. ఇందుకు కేంద్ర మాజీ మంత్రి ఎస్.జైపాల్‌రెడ్డి ఇల్లు వేదికైంది. కాంగ్రెస్ నుంచి కోమటిరెడ్డి బ్రదర్స్, ఎంపి గుత్తా సుఖేందర్‌రెడ్డి, ఎంఎల్‌ఎ భాస్కర్‌రావు తాజాగా మాజీ ఎంపి వివేక్, మాజీ మంత్రి వినోద్, మాజీ స్పీకర్ కె.ఆర్. సురేష్‌రెడ్డి టిఆర్‌ఎస్‌లో చేరుతారని ఊహాగానాలు వచ్చాయి. అయితే ఇప్పటివరకు సుమారు పది హేను రోజలు పాటు అమెరికా పర్యటనలో ఉన్న పిసిసి అధ్యక్షుడు ఉత్తమ్‌కుమార్‌రెడ్డి హైదరాబాద్ చేరుకున్నారు. అయితే ఇప్పటికే కోమటిరెడ్డి సోద రులతో సిఎల్‌పి నేత జానారెడ్డి మాట్లాడి కాంగ్రె స్‌లో కొనసాగేందుకు ఒప్పించారు. తాజాగా మరి కొన్ని పేర్లు రావడంతో శుక్రవారం సాయంత్రం సీనియర్ నేత జైపాల్‌రెడ్డి ఇంట్లో జరిగిన సమావేశానికి పిసిసి అధ్యక్షులు ఉత్తమ్, వర్కింగ్ ప్రెసిడెంట్ భట్టి విక్రమార్క, సిఎల్‌పినేత జానారెడ్డి, మాజీ ఎంపి పొన్నం ప్రభాకర్‌తో పాటు పార్టీ వీడుతారని ప్రచారం జరి గిన వివేక్, వినోద్‌లు కూడా హాజరయ్యారు. ఈ సందర్భంగా వివేక్, వినోద్‌లను నేతలు బుజ్జగించినట్లు సమాచారం. అయితే, పార్టీలో తమకు ప్రాధాన్యత లభించడం లేదని వారు అసంతృప్తి వ్యక్తం చేసింది. దీనిని సర్దుబాటు చేస్తామని హామీ ఇవ్వడంతో వారు కొంత మెత్తబ డ్డట్లు తెలిసింది. అలాగే జానారెడ్డి తన శిష్యుడు, ఎంఎల్‌ఏ భాస్కర్‌రావుకు కూడా నచ్చజెప్పినట్లు సమాచారం. అంతకుముందు ఉదయమే కాంగ్రెస్ పెద్దలు ఫోన్‌లో సురేష్‌రెడ్డిని సంప్రదిం చగా తాను పార్టీని వీడే ప్రసక్తే లేదని చెప్పారు. ఇదే విషయాన్ని గాంధీభవన్‌లో ప్రెస్‌మీట్‌ల పెట్టి మరీ స్పష్టం చేశారు. ఇక గుత్తా సుఖేందర్‌రెడ్డిని కూడా వారించేందుకు ప్రయత్నిస్తుండగా, ఆయన అటూ ఇటుగానే ఉన్నట్లు తెలిసింది. మొత్తమ్మీద అధిష్టానం పెద్దలతో కూడా పార్టీ వీడాలనుకుంటున్న నేతలతో మాట్లాడిస్తున్నారు. మరోసారి శనివారం సమావేశమైన రాష్ట్ర కాంగ్రెస్ రాజకీయాలపై మరింత లోతుగా చర్చించాలని నాయకులు నిర్ణయించారు.

Comments

comments