Home ఖమ్మం శవం మళ్లీ చావదనేమో…!

శవం మళ్లీ చావదనేమో…!

Electricity-Pollఇల్లందు/మన తెలంగాణ: శవం విద్యుత్ షాక్‌కు గురైనా మళ్ళి చచ్చిపోవుడు ఉండదు. చావంటే ఒక్కసారే ఉంటుందనుకున్నారో ఏమో ట్రాన్స్‌కో అధికారులు. రోడ్డుపై ఏర్పాటు చేసిన ప్రధాన లైన్ విద్యుత్ స్తంబం ఒరిగిపోకుండా, కింద పడకుండా ఏర్పాటు చేసిన మెటల్ తీగను ఏకంగా ఆస్పత్రి ఆవరణలోని పోస్టుమార్టం (శవ పరీక్ష) గది ద్వారా ముందు ఉండే ఫిల్లర్‌కు కట్టారు. ఎలాంటి రక్షణ చర్యలు పాటించకుండా నేరుగా తీగను కట్టడంతో ప్రమాదకరంగా మారింది. శితాకాలంలో మంచుకు, వర్షానికి తడిసి విద్యుత్ సరఫరా జరిగి ప్రమాదం సంబవించే పరిస్థితులు ఉండటంతో శవం కూడా బయపడాల్సిన పరిస్థితి ఏర్పడింది. మృతదేహాలను చూసేందుకు పోస్టుమార్టం గదికి వచ్చే బందువులు, స్థానికులకు ట్రాన్స్‌కో అధికారుల నిర్లక్షం కారణంగా ప్రమాదం పొంచి ఉందని వాపోతున్నారు. దీనిపై అధికారులు తక్షణమే స్పందించి ప్రమాదకరంగా ఉన్న వైర్‌ను తొలగించాలని కోరుతున్నారు.