Search
Saturday 17 November 2018
  • :
  • :
Latest News

నగదు పనిలేని కాలం, ఇత్తులే కొలమానం

Farmers

ఇది ఇప్పటికె ఊర్లల్ల నడుస్తున్నది. కొద్దోగొప్పో ఎవుసం ఉన్నవాల్లు కూలి కైకిలి పెట్టుకోని ఎవుసం చేయరు నాట్లు ఏసేటప్పుడు కలుపు తీసేటప్పుడు పక్క పొలం వాల్లను లేదా ఎవలనైనా బదలకు రమ్మంటరు. ఎన్ని రోజులు వచ్చిండ్లు అని చెక్క పెట్టుకొని వీల్ల పని అయిపోయినంక వాల్ల పనికి పోతారు. ఇది పరస్పర సహకారం పద్ధతిలో నడుస్తది.

ఇప్పుడంటే నోట్ల తిప్పల కన్పిస్తంది గని ఎన్కట ఊర్లల్ల వస్తువుకు వస్తువు లెక్క ఉండె. ఒగల ఇంట్ల మక్కజొన్నలు ఉంటే మరొకల ఇంట్ల వడ్లు ఉంటే జొన్నలు అటు మక్కలు ఇటు మార్చుకునేవాల్లు. రెండు కుంచాల వడ్లకు కుంచెడు జొన్నలు ఇట్లా నికురం చేయ్యబడింది. ఎవసయా కుటుంబాల్లో పనికి పైకం కాకుండా వడ్లు జొన్నలే ఇస్తుండేవాల్లు. ఆసామి దగ్గర పంట పండినంక వడ్లకట్లం నాడు ఆయనకు పని చేసివాల్లందరికి వడ్ల ద్వారనే చెల్లింపు చేసేవాల్లు.

ఎవసాయదారునికి వడ్లాయనతో కమ్మరి ఆయనతో కుమ్మరి ఆయనతో మంగలి ఆయనతో చాకలి ఆయనతో యాడాది ఎల్ల పని ఉంటది. ఈ పనులకు నగదు ఇచ్చుడు కాదు బిచ్చం పెట్టుడు అంటరు. బిచ్చెం అనే పదం ఎట్లా వచ్చిందో కని ఇట్లనే ఇంటి మాదిగలకు ఇంటి పాలేర్లకు సకల పనోల్లకు వడ్లెత్తుల ద్వారానే కైకిలి ఇచ్చేటోల్లు. ముందే మాట్లాడుకుంటరు లేదా ఏ ఆసామికి ఎంచ ఇయ్యాలనేది వొల్ల పొలాన్ని బట్టి నిర్ణయం అయి ఉంటది అది అట్లనే నడుస్తది. నగదు పైసల జోలి రానే రాదు. ఎవుసానికి పాలేరు ఉన్న వాల్లకు కారుకు ఎన్ని కుంచాలు ఇయ్యాలన్నది లెక్కే ఉంటది. దాన్ని బట్టే ఉంటది.

వడ్లు కల్లంల పడ్డంక కల్లం సుట్టు పనోల్లు వస్తరు. వాల్లకు ఆసామి కుంచంతోని వడ్లిత్తులు కొలిచిపోస్తడు. కొందరు పిసినాసి ఏశం ఏస్తే మరికొందరు బారీగానే వడ్లు పెడుతరు. అందరు పనోల్లకు వడ్లు కొలిచి ఇచ్చినట్టే ఆఖర్లు కల్లు పోసిన గౌండ్లోల్లకు సుత వడ్లు పెట్టేవాల్లు. ఇగ వరికోతకు పోయినోల్లకు వడ్లే, మక్క పెరడు కోతకు పోయినోల్లకు మక్కలే ఏసేది ఒక్క వరి నాట్లు కలుపులు తీసేవాల్లకు మాత్రమే పైసలు ఇస్తుండిరి ఎక్కువపైస అవసురం లేకుంటుండె.

ఎవలకైనా పురాగ లేకుంటే వడ్లను పెచ్చులకు తెచ్చుకునేది పెచ్చులకు అంటే మిత్తికి పైసలు మిత్తిలకు ఇచ్చినట్లే ధాన్యం కూడా పెచ్చులకు ఇచ్చే సాములుంటారు ఇత్తునాలకు అవసరమైన వడ్లు పది కుంచాలు తెచ్చుకుంటే పంట పండినంక పన్నెండు కుంచాల వడ్లు ఇయ్యాలె. ఇవిగాకుండా పైసలతో పని లేకుండానే ఎవుసం చేసేవాల్లు ఒగలకు ఒగలు పనులకు బదలు పోవుడు ఉన్నది. ఇది ఇప్పటికె ఊర్లల్ల నడుస్తున్నది. కొద్దోగొప్పో ఎవుసం ఉన్నవాల్లు కూలి కైకిలి పెట్టుకోని ఎవుసం చేయరు నాట్లు ఏసేటప్పుడు కలుపు తీసేటప్పుడు పక్క పొలం వాల్లను లేదా ఎవలనైనా బదలకు రమ్మంటరు. ఎన్ని రోజులు వచ్చిండ్లు అని చెక్క పెట్టుకొని వీల్ల పని అయిపోయినంక వాల్ల పనికి పోతారు. ఇది పరస్పర సహకారం పద్ధతిలో నడుస్తది.

ఇవేగాకుండా ఊర్లల్లకు కందగడ్డ, ఉల్లిగడ్డ, ఎర్రమన్ను బండ్ల మీద తీసకి వచ్చి అమ్మేవాల్లు ఉంటరు. వాల్లు కూడా పైసలకే గాకుండా వడ్లకు, జొన్నలకు అమ్ముతరు. రెండు సోల్ల వడ్లు ఇశాటల తెచ్చి ఇస్తే తక్కెడు ఉల్లిగడ్డ ఇస్తరు. ఇట్లనే జొన్నలు అయితె ఎన్ని ఇయ్యాలెనన్ లెక్క ఉంటండె. దాని ప్రకారం వస్తు మార్పిడి ద్వారా వస్తువుల అవసరాలు తీర్చుకోవడం ఊర్లల్ల ఎన్నటినుంచో ఉన్నది. అట్లనే ఐస్‌క్రోట్ సల్లగ తియ్యగా అని ఐస్‌క్రీములు అమ్మేవాల్లు కూడా సోలెడు వడ్లకు రెండు ఐస్‌క్రోట్లు ఇచ్చేవాల్లు.

బొంబాయి మీట, దూది మీట ఇట్లా ఊర్లల్ల పైసలు ఉండయి గద అందరికి ఇదే పద్ధతి. ఆఖరుకు లబ్బంగాజలు రిబ్బెనలు అమ్మేవాల్లు చత్రిలు మంచిగ చేసేవాల్లు తాళాలు రిపేరు చేసేవాల్లు కూడా వడ్లకు జొన్నలకు పనిచేసేవాల్లు ఎంటకెలకు బఠానీలు ఇచ్చేవాల్లు కూడా ఊర్లల్ల తిరుగుతరు ఆడవాల్ల తలవెంట్రుకలు కుప్ప చేసి పెట్టి వాల్లకు ఇస్తే గిలాసెడు బఠానీలు ఇచ్చేవాల్లు ఇలా సకలసం ఊర్లల్ల ఎన్కట వస్తు మార్పిడి ద్వారా పని ఎల్లింది. పైస అవసరం కన్న పని ఒడ్డెక్కుడే ఎక్కువగా ఉంటుండె ఇప్పుడు నోట్లు భగ్గ పెరిగినంక అవి బందు అయినంక తిప్పలైతంది.

Comments

comments