Search
Wednesday 21 November 2018
  • :
  • :
Latest News

కరుణామయుడు ఏసుక్రీస్తు

Yesu-Christu

సమస్త మానవాళి జీవితాల్లో వెలుగులు నింపడానికి ఏ మహత్కార్యమైనా చెయ్యవలసి వచ్చినప్పుడు దేవుడు స్వయంగా ఆ పని చేయలేడు. అందుకే ఒక మహాపురుషుణ్ణి ఈ భూమి మీదకు పంపాడు. దేవుడు నరరూపం దాల్చాడు. ఆయనే ఏసుక్రీస్తు ప్రభువు. మనిషి తన కోర్కెలతో, ద్వేషంతో, స్వార్థంతో దారి తప్పినప్పుడు పతనం కాకుండా రక్షించే మార్గాన్ని ఉపదేశించేందుకు క్రీస్తు ఈ లోకానికి వచ్చాడు. క్రీస్తు అనే మాటకు మరో అర్థ రూపం దాల్చిన ప్రేమ, క్రీస్తుతత్వం అంటే మనిషిలోని ప్రేమతత్వం. క్రిస్‌మస్ వచ్చిందంటే చాలు ప్రపంచవ్యాప్తంగా 100 కోట్లకు పైగా పండుగ చేసుకుంటారు.

సుమారు వంద దేశాల్లో ఇదే అతి పెద్ద పండుగ. క్రీస్తు పుట్టిన రోజుగా చేసుకునే ఈ సంబరాన్ని క్రీస్తుశకం 3వ శతాబ్దంలో మొదటిసారి రోమ్‌లో జరుపుకున్నారు. క్రిస్‌మస్‌ను x-masగా పిలుచుకోవడం 16వ శతాబ్దం నుండి ప్రారంభమైంది. బైబిల్ ప్రకారం ఏసుక్రీస్తు వసంత రుతువులో జన్మించారు. ఇది క్రిస్మస్ సమయం. క్రీస్తు జన్మదిన సందేశాన్ని, సంతోషంగా, ఆయా రీతులలో వెల్లడి చేసే సమయం. క్రిస్మస్ క్యారల్స్, క్రిస్మస్ కేకులు, మినీ క్రిస్మస్, సెమీ క్రిస్మస్, యూత్ క్రిస్మస్‌లు జరుపుకుంటాం. క్రిస్మస్‌లో సెమి క్రిస్మస్ ముందు జరుపుకుంటారు. దానిలో భాగంగానే ఇంటిపై రంగురంగుల నక్షత్రం పెట్టి, క్రిస్మ్ ట్రీని అందంగా అలంకరిస్తారు.

ఏసుక్రీస్తు తన జీవితకాలం ముప్పై మూడున్నర సంవత్సరాలలో ఏ నిమిషం, ఏ ఘడియలో కాని, తన ప్రవర్తన ద్వారా కాని, మాటల ద్వారా కాని పాపం చేయలేదు. అత్యంత పరిశుద్ధ వ్యక్తిగా చరిత్రలో నిలిచిపోయాడు. అందుకే చరిత్ర నిలువునా క్రీస్తు శకం (క్రీ.శ), క్రీస్తు పూర్వం (క్రీ.పూ)గా లిఖించబడింది. అందుకే ప్రభువై ఏసుక్రీస్తు ప్రపంచవ్యాప్తంగా కొనియాడబడుతూ ఆరాధించబడుతున్నాడు. ఈ సృష్టికి సృష్టికర్తగా నమ్ముతున్నారు. ఏసుక్రీస్తూ రెండవ రాకడ కోసం క్రైస్తవులు ఎదురుచూస్తున్నారు. ఏసుక్రీస్తు బోధించిన ప్రేమ, దయ, జాలి, “తన వలే తన పొరుగువానిని ప్రేమించడం లాంటి మాటలు అందరినీ ఆకర్షిస్తున్నాయి. అందువలన క్రిస్మస్‌ను ప్రపంచవ్యాప్తంగా ఘనంగా జరుపుతున్నారు.

భారతీయ భాషల్లో క్రిస్మస్ శుభాకాంక్షలు: బెంగాలీ – శుభో బోరోదిన్.
గుజరాతీ – ఆపందీ నాతాల్/ఖుషీ నాతాల్.
హిందీ – శుభ్ క్రిస్మస్.
కన్నడ – క్రిస్మస్ శుభాదాశుభాషాయగళు.
కొంకణి – కుశాల్ బోరితే నాతాల్.
మలయాళం – క్రిష్టమస్ ఇంతే మంగలాషంసకాల్.
మరాఠీ – నాతాల్ చ్య శుభేచ.
మిజో – క్రిస్మస్ చిబయ్.
పంజాబీ – కరిసామాతే నవాంసాల కుషయాంవాలా హెవే.
సంస్కృతం – క్రిస్‌మస్ శుభకామనా.
సింధీ – క్రిస్టమస్ జున్‌వదాయున్.
తమిళం – క్రిష్టుమస్ వాల్‌తుక్క.
ఉర్దూ – క్రిస్మస్ ముబారక్.

-వూకె రామకృష్ణ, 9866073866

Comments

comments