Search
Thursday 18 October 2018
  • :
  • :

గాలి వాన బీభత్సం

Heavy Rain Fall in Hyderabad Today

మన తెలంగాణ/రంగారెడ్డి జిల్లా  ప్రతినిధి : రోజంతా భానుడి ప్రతాపంతో అతలాకుతలం అయిన జనంపై సాయంత్రం ఒక్కసారిగా గాలి వాన ప్రతాపం చూపించింది. హైదరాబాద్‌తో పాటుగా రంగారెడ్డి, మేడ్చల్ జిల్లాలోని శివారు ప్రాంతాలతో పాటు గ్రామీణ మండలాల్లో సైతం వరుణుడి ప్రతాపంకు గాలి తొడవడంతో చాలా ప్రాంతాల్లో పెద్ద ఎత్తున నష్టం చోటు జరిగింది. నగర శివారులోని శేరిలింగంపల్లి, ఎల్.బి.నగర్, మహేశ్వరం నియోజకవర్గాలతో పాటు షాద్‌నగర్, ఇబ్రహింపట్నం నియోజకవర్గాలలో సైతం వరుణుడు ప్రతాపం చూపించారు. వాతావరణంలో ఒక్కసారిగా మార్పులు వచ్చి వర్షం దంచికొట్టింది. నగర శివారు ప్రాంతాలతో పాటు జిల్లాలోని అనేక ప్రాంతాలలో గంటల తరబడి విద్యుత్ సరఫరా నిలిచిపోవడంతో ప్రజలు తీవ్ర ఇబ్బందులు ఎదురుకున్నారు. షాద్‌నగర్ నియోజకవర్గంలో గాలి దుమారంతో విద్యుత్ సరఫరాకు ఏర్పడింది. నందిగామ మండలంలో చెట్టు విరిగి రోడ్డుపై పడటంతో రాకపోకలు నిలిచిపోయాయి. హైటెన్షన్ విద్యుత్ వైర్లు తెగిపడటంతో విద్యుత్ సరఫరా నిలిచిపోయింది. కొందూర్గు దళిత వాడలోని పాఠశాల కిచెన్‌షెడ్ రేకులు గాలికి ఎగిరిపోయాయి. బిసి కాలనీలో చెట్లు విరిగిపడ్డాయి. రాంచంద్రాపూర్ వద్ద చెట్లు విరిగి ట్రాక్టర్‌పై పడగా గాలీ వానకు  చెట్లు, విద్యుత్ స్తంబాలు విరిగి గంటల తరబడి విద్యుత్ సరఫరాకు అంతరాయం కలిగింది. మామిడి రైతుకు చాలా నష్టం సంబవించింది. అకులమైలారం గ్రామంలో పిడుగుపడి బండారి బిక్షపతికి చెందిన 25 మేకలు మృత్యువాత పడ్డాయి. జిల్లా వ్యాప్తంగా పంటలకు సైతం భారీగానే నష్టం జరిగింది.

Comments

comments