Home వార్తలు ఇంటి వైద్యం

ఇంటి వైద్యం

Untitled-1తులసితో కలిగే లాభాల గురించి చాలా సార్లు చదువుతూనే ఉంటాం అయినా… మళ్ళీ ఏదో కొత్త విషయం తెలుస్తూనే ఉంటుంది. తులసి మొక్క ఇంట్లో ఉంటే, వైద్యుడు ఇంట్లో ఉన్నట్టే అంటుంటారు పెద్ద వాళ్ళు. ఇది ఇంటి వైద్యంగా ఎలా ఉపయోగపడుతుందో ఓ సారి మళ్ళీ తెలుసుకుందాం…

* తులసి ఆకుల్ని నీడలో ఆరబెట్టి పొడి చేసి తేనె లేదా పెరుగుతో పాటు సేవిస్తే చాలా ఆరోగాలు నివారణ అవుతాయి. పాలతో మాత్రం తీసుకోకూడదు. పొద్దున్నే అల్పాహారానికి అరగంట ముందు తులసి రసాన్ని సేవిస్తే జీర్ణ శక్తి మెరుగవుతుంది. రోజుకు మూడు సార్లు కూడా సేవించవచ్చు.

*మలేరియా వచ్చినపుడు ఐదు నుంచి ఏడు తులసి ఆకులను నలిపి మిరాయల పొడితో తీసుకుంటే మంచి ఉపశమనం లభిస్తుంది.
పది గ్రాముల తులసి రసాన్ని పది గ్రాముల అల్లం రసంతో కలిపి తీసుకుంటే కీళ్ళ నొప్పులు తగ్గుతాయి.
* పిల్లలకు వాంతులు అవుతున్నప్పుడు కొద్దిగా తులసి విత్తనాలను పెరుగు లేదా తేనెతో కలిపి నాకిస్తే అవి తగ్గుముఖం పడతాయి.
* నల్ల తులసి రసాన్ని మిరియాల పొడిలో వేసి ఆ మిశ్రమాన్ని నూనె, లేదా నెయ్యితో కలిపి సేవిస్తే గాస్ట్రిక్ బాధల నుంచి ఉపశమనం కలుగుతుంది.
* తులసి ఆకుల్ని నీళ్ళలో మరిగించి తీసుకుంటే చెవి నొప్పికి మంచి మందుగా పని చేస్తుంది. నల్ల తులసి ఆకుల్ని ఏడు బాదం పప్పులు, నాలుగు లవంగాలు కలిపి తింటే జీర్ణ శక్తికి బాగా పని చేస్తుంది.
* నల్ల తులసి ఆకులు, తేనెను సమపాళ్లలో కలిపి కళ్ళకు రాస్తే అలసట తగ్గడమే కాకుండా కంటి చూపుకు చాలా మంచిది.
* 25 గ్రాముల తులసి రసాన్ని రెండు గ్రాముల నల్ల ఉప్పును కలిపి నాలుగు రోజులు క్రమంగా తీసుకుంటే నులిపురుగులు నశిస్తాయి.
అస్థమా రోగులు ప్రతి రోజూ ఐదు నుంచి ఇరవై ఐదు రగాముల నల్ల తులసి రసాన్ని తేనెతో కలిపి తీసుకుంటే మంచిది.