Home తాజా వార్తలు భారత్‌తో టీ20లకు ఐర్లాండ్ జట్టు ఎంపిక

భారత్‌తో టీ20లకు ఐర్లాండ్ జట్టు ఎంపిక

Ireland name T20I squad to face India in T20 Series

డబ్లిన్: టీమిండియాతో రెండు టీ20 మ్యాచ్‌ల సిరీస్ కోసం ఐర్లాండ్ క్రికెట్ బోర్డు తాజాగా తమ జట్టును ప్రకటించింది. ఈ నెల 27, 29న ఈ రెండు మ్యాచ్‌లు డబ్లిన్ వేదికగా జరగనున్నాయి. 14 మంది సభ్యులతో కూడిన ఈ జట్టుకు గ్యారీ విల్సన్‌ను సారథిగా ఎంపిక చేసింది ఆ దేశ క్రికెట్ బోర్డు. ఇక ఇప్పటికే బిసిసిఐ ఐర్లాండ్‌తో తలపడే కోహ్లీ సారథ్యంలోని జట్టును ప్రకటించిన విషయం తెలిసిందే. శనివారం భారత జట్టు ఈ సిరీస్ కోసం ఐర్లాండ్‌కు బయల్దేరనుంది. ఐర్లాండ్ పర్యటన అనంతరం కోహ్లీసేన ఇంగ్లండ్ వెళ్లనుంది. జూలై 3 నుంచి టీమిండియా ఇంగ్లండ్‌తో టీ20 సిరీస్ ఆడనుంది. తాజాగా ఐర్లాండ్ ప్రకటించిన జట్టు వివరాలు…

ఐర్లాండ్‌ జట్టు: గ్యారీ విల్సన్‌ (కెప్టెన్‌), ఆండ్రూ బాల్‌బిర్ని, పీటర్‌ చేజ్‌, జార్జ్‌ డాక్‌రెల్‌, జాష్‌ లిటిల్‌, ఆండ్రూ మెక్‌బ్రైన్‌, కెవిన్‌ ఓబ్రియన్‌, విలియమ్‌ పోర్టర్‌ఫీల్డ్‌, స్టువర్ట్‌ పోయంటర్‌, బోయడ్‌ రాన్‌కిన్‌, జేమ్స్ షన్నాన్‌, సిమి సింగ్‌, పాల్‌ స్టిర్లింగ్‌, స్టువర్ట్‌ థాప్సన్‌.