Home కామారెడ్డి మోగిన స్థానిక సంస్థల ఎన్నికల నగారా…

మోగిన స్థానిక సంస్థల ఎన్నికల నగారా…

Local organizations polls

కామారెడ్డి: స్థానిక సంస్థల ఎన్నికల నిర్వహణకు శనివారం ఎన్నికల సంఘం నోటిఫికేషన్‌ను విడుదల చేయడంతో ఎన్నికల ఏర్పాట్ల పై అధికారులు కసరత్తు ముమ్మరం చేశారు. ఎన్నికల నిర్వహణపట్ల తీసుకోవాల్సిన విషయాలను జిల్లా కలెక్టర్ డా॥ ఎన్.సత్యనారాయణ అధికారులకు దిశానిర్దేశం చేశారు. నోటిఫికేషన్ విడుదల కాగానే ఎన్నికల ప్రక్రియకు జిల్లా యంత్రాంగం సిద్ధంగా ఉన్నారు. ఎన్నికల ప్రక్రియ నిర్వహించేందుకు జిల్లా వ్యాప్తంగా పోలింగ్ కేంద్రాలను గుర్తించి ఇబ్బందులు తలెత్తకుండా ముందుగానే చర్యలు చేపట్టారు. జిల్లా వ్యాప్తంగా జెడ్పిటిసి, ఎంపిటిసి ఎన్నికలను మూడు విడుతలుగా నిర్వహించడంతో పాటు రిజర్వేషన్‌లను ఖరారు చేశారు. రిజర్వేషన్‌ల ఖరారుతో ఆశావహుల అలజడి మొదలైంది. మొదటిదఫా ఎన్నికలకు ఏప్రిల్ 22న నామినేషన్‌ల ప్రక్రియ ప్రారంభం కాగా మే 6న ఎన్నికలు నిర్వహించనున్నారు. రెండవ విడుత జరిగే మండలాల్లో ఏప్రిల్ 26 నుండి నామినేషన్‌ల ప్రక్రియ ప్రారంభం కాగా మే 10న ఎన్నికలు నిర్వహించనున్నారు. అలాగే మూడవ విడుత ఏప్రిల్ 30న నామినేషన్‌ల ప్రక్రియ ప్రారంభం కాగా మే 14న ఎన్నికలు నిర్వహించనున్నారు. నామినేషన్‌లు వేసిన అభ్యర్థుల్లో ఎవరైనా దరఖాస్తు పరిశీలన సమయంలో తొలగించబడినట్లైతే స్వయంగా జిల్లా కలెక్టర్‌కు దరఖాస్తు చేసుకునే అవకాశం కల్పించారు. ఎన్నికలకు సంబంధించి ఎన్నికల నియమావళిననుసరించి అభ్యర్థులు సూచనలను పాటించవలసి ఉంటుందని అధికారులు సూచించారు. జిల్లాలో ఎన్నికలకు సంబంధించి జెడ్పిటిసి, ఎంపిటిసి లకు సంబంధించిన రిజర్వేషన్‌ల వివరాలు ఇలా ఉన్నాయి.

క్ర.సం.              మండలం                       జెడ్పిటిసి                             ఎంపిటిసి
1               బాన్సువాడ                      జనరల్ మహిళ                      జనరల్ మహిళ
2               భిక్కనూర్                        జనరల్ మహిళ                       జనరల్
3               బీబీపేట్                             ఎస్సీ                                ఎస్సీ
4                బిచ్కుంద                           బిసి మహిళ                         బిసి
5               బీర్కూర్                             బిసి మహిళ                          బిసి
6               దోమకొండ                             బిసి                               బిసి మహిళ
7               గాంధారి                              ఎస్టీ                                 ఎస్టీ మహిళ
8               జుక్కల్                              బిసి మహిళ                         బిసి మహిళ
9              కామారెడ్డి                           జనరల్ మహిళ                       జనరల్
10            లింగంపేట్                           జనరల్ మహిళ                       జనరల్ మహిళ
11            మాచారెడ్డి                           జనరల్                                జనరల్
12            మద్నూర్                           ఎస్సీ మహిళ                           ఎస్సీ మహిళ
13            నాగిరెడ్డిపేట                          జనరల్                                జనరల్ మహిళ
14            నస్రుల్లాబాద్                         ఎస్టీ మహిళ                             ఎస్టీ
15            నిజాంసాగర్                          జనరల్                                జనరల్ మహిళ
16            పెద్దకొడప్గల్                           జనరల్ మహిళ                         జనరల్
17            పిట్లం                                 జనరల్                               జనరల్ మహిళ
18            రాజంపేట                            జనరల్                                 జనరల్ మహిళ
19           రామారెడ్డి                             జనరల్                                    జనరల్
20           సదాశివనగర్                         ఎస్సీ                                    ఎస్సీ మహిళ
21           తాడ్వాయి                            ఎస్సీ మహిళ                               ఎస్సీ
22           ఎల్లారెడ్డి                               బిసి                                     బిసి మహిళ

 

Local organizations polls