Home ఆదిలాబాద్ ప్రేమజంట ఆత్మహత్యాయత్నం

ప్రేమజంట ఆత్మహత్యాయత్నం

02admcl10p01ఆదిలాబాద్‌ః జైపూర్ మండలం ఇందారం సమీపంలోని గోదావరి నది వంతెన కింద శనివారం రాత్రి ఒక ప్రేమజంట పురుగుల మందు తాగి ఆత్మహత్య యత్నానికి పాల్పడగా ప్రియుడు రహీమ్ (26) , ప్రియురాలు అలేఖ్య పరిస్థితి ఆందోళనకరంగా ఉంది. కరీంనగర్ జిల్లా గోదావరిఖనికి రహీమ్(26), ఆదిలాబాద్ జిల్లా లక్ష్యేట్టిపేట మండలం ఇటిక్యాల గ్రామానికి చెందిన తాండ్ర అలేఖ్య (16)లు గత మూడు సంవత్సరాలుగా ప్రేమించుకుంటున్నారని ఎస్సై సురేందర్ తెలిపారు. అయితే అలేఖ్య తరుచూ గోదావరిఖనిలోని తన మేనమామ ఇంటికి వెళ్లేదని, అక్కడే రహీమ్‌తో స్నేహం పెరిగిందన్నారు. ఇద్దరూ కలసి గోదావరిఖని ఇందారం మధ్య గల గోదావరి నదిపై గల వంతెన కింద క్రిమిసంహారక మందు సేవించారని ఎస్సై తెలిపారు. ఈ విషయాన్ని రహీమ్ స్నేహితులకు తెలుపగా వారు వెంటనే అక్కడికి చేరుకొని వారిని గోదావరిఖని ఆస్పత్రికి తరలించగా అప్పటికే రహీమ్ మృతిచెందాడని ఎస్సై తెలిపారు. అలేఖ్య పరిస్థితి ఆందోళనకరంగా ఉండటంతో కరీంనగర్ ఆస్పత్రికి తరలించినట్లు ఆయన పేర్కొన్నారు.