Search
Tuesday 25 September 2018
  • :
  • :
Latest News

 ఊరేసుకుని మృతిచెందిన ప్రేమికులు

lovers
ఖమ్మం ః వ్యామోహం ఊరితాడై ఇద్దరి ప్రాణాలను బలిగొంది. పెళ్లయి భార్యా, పిల్లలతో గడుపుతూ మరో యువతితో ప్రేమ పేరుతో శారీరక సంబంధం కొనసాగించి చివరకు తనతో పాటు ఆ యువతి ప్రాణాన్ని బలితీసుకున్నాడు. వివరాల్లోకి వెళితే…ఖమ్మంజిల్లా తిరుమలాయపాలెం మండలం ఎర్రగడ్డ గ్రామానికి చెందిన గుగ్గిళ్ల బాబుకు ఖమ్మం రూరల్ మండలం తెల్దారుపల్లికి చెందిన మమతతో ఎనిమిదేళ్ల క్రితం వివాహమైంది. వీరికి కుమారుడు, కుమార్తె ఉన్నారు. జీవనోపాధి కోసం సూర్యాపేట వెళ్లిన బాబు ఒక రాడ్ బెడ్డింగ్ దుకాణంలో పనిచేస్తున్నాడు. ఈ క్రమంలో రాడ్ బెడ్డింగ్ దుకాణ యాజమాని కూతురు లావణ్య ప్రేమలో పడ్డారు. గత కొంత కాలంగా గుట్టుగా ఈ వ్యవహారం సాగుతుండగా ఏం జరిగిందో కానీ ఇటీవల వారిద్దరు పెళ్లి చేసుకోవాలనుకున్నారు. పది రోజుల క్రితం భార్య మమతను పుట్టింటికి పంపాడు. రెండు రోజుల క్రితం లావణ్యతో కలిసి వెళ్లిన బాబు లావణ్యలు శుక్రవారం శవాలై కన్పించారు. ఆంధ్రప్రదేశ్ రాష్ట్రంలోని పశ్చిమగోదావరి జిల్లా కోయ్యలగూడెం మండలం బయ్యన్నగూడెం శివాలయం నుంచి కించప్పగూడెం వెళ్లే రోడ్డులో మామిడి చెట్టుకు ఊరేసుకుని ఆత్మహత్య చేసుకున్నారు. అక్కడి పోలీసులు కేసు నమోదు చేసి దర్యాప్తు చేస్తున్నారు. ఇదిలా ఉండగా ఊరేసుకున్న తీరు పలు అనుమానాలకు తావిస్తుంది. ఊరేసుకున్న సమయంలో ఇద్దరి కాళ్లు నేలకు ఆనుకుని ఉన్నాయి. పోలీసు విచారణలో కానీ ఏం జరిగిందో బయటకు రాలేదు.

Comments

comments