Home తాజా వార్తలు నాగశౌర్యకు లక్కీ ఆఫర్

నాగశౌర్యకు లక్కీ ఆఫర్

5556ఊహలు గుసగుసలాడే, దిక్కులు చూడకు రామయ్యలాంటి సినిమాలతో జోరుమీద కనిపించని నాగశౌర్య… ఆతర్వాత లక్ష్మీ రావే మా ఇంటికి, జాదూగాడులాంటి ప్లాపులతో వెనుకబడిపోయాడు. ఈమధ్య అతడికి కొత్త అవకాశాలేమీ రాలేదు. నందినిరెడ్డి దర్శకత్వంలో చేస్తున్న ‘కళ్యాణ వైభోగమే’ మినహాయిస్తే వేరే ప్రాజెక్టు చేతికి రాలేదు. దీంతో ఈ కుర్రాడి భవిష్యత్తు మీద సందేహాలు మొదలయ్యాయి. అయితే ఇప్పుడు అతడికో మంచి అవకాశం దక్కింది. దర్శకనిర్మాత మధురశ్రీధర్‌రెడ్డి- టివి9 ఛానల్ భాగస్వామ్యంలో తీయబోతున్న కొత్త సినిమాకు నాగశౌర్యనే హీరోగా ఎంచుకున్నారు. ఈ సినిమాకు ‘మల్లెల తీరంలో సిరిమల్లె పువ్వు’ ఫేమ్ రామరాజు దర్శకత్వం వహించబోతున్నాడు. తొలి సినిమా కమర్షియల్‌గా సక్సెస్ కాలేకపోయిన రామరాజుకు మంచి పేరు తెచ్చిపెట్టింది. కొత్త టాలెంట్‌ను ప్రోత్సహించడంలో ఎప్పుడూ ముందుండే మధుర శ్రీధర్‌రెడ్డి… రామరాజు టాలెంట్‌ను గుర్తించి అతడికి అవకాశమిచ్చాడు.