Search
Sunday 23 September 2018
  • :
  • :
Latest News

బిఎస్‌ఎన్‌ఎల్‌ను ఎండగట్టిన తీరు

October 1,2000,BSNL came into existence

2000 అక్టోబర్ 1న భారత్ సంచార్ నిగం లిమిటెడ్ (బిఎస్‌ఎన్‌ఎల్) అస్థిత్వంలోకి వచ్చింది. అప్పుడు ఉద్యోగుల సంఖ్య సుమారు 3.5 లక్షలు. వారిలో లక్ష మంది ఎగ్జిక్యూటివ్‌లు, 2.5 లక్షల మంది నాన్ ఎగ్జిక్యూటివ్‌లు. కార్పొరేషన్‌ను ఏర్పరిచే పక్షంలో అది పార్లమెంటు చట్టం ద్వారా ఏర్పాటు చేయాలని ఎన్‌ఎఫ్‌టిఇ ప్రముఖ నాయకుడు ఒ.పి.గుప్తా కోరారు. అయితే ప్రభుత్వం దాన్ని అంగీకరించకుండా కంపెనీల చట్టం కింద కార్పొరేషన్‌ను రిజిస్టర్ చేసింది. న్యూఢిల్లీ, ముంబయి నగరాలకు ఎంటిఎన్‌ఎల్ అంతకుముందే ఏర్పాటైంది. ఎంటిఎన్‌ఎల్ ఈక్విటీ పెట్టుబడిలో 46 శాతం మాత్రమే స్టాక్ మార్కెట్ ద్వారా విక్రయించబడింది. 2004 వరకు బిఎస్‌ఎన్‌ఎల్ రూ. 10,500 కోట్ల లాభంతో, రూ. 40 వేల కోట్ల రిజర్వు నిధితో ఉంది. 

1990వ దశకంలో నాటి కాంగ్రెస్ కేంద్ర ప్రభుత్వం “వ్యవస్థాగత సర్దుబాటు’కు అంగీకరించటంతో అంతా మొదలైంది. నాటి టెలీకమ్యూనికేషన్ మంత్రి సుఖ్‌రాం, టెలీ కమ్యూనికేషన్ డిపార్టుమెంటు ను కార్పొరేట్ సంస్థగా మార్చుతూ పార్లమెంటులో బిల్లు ప్రవేశపెట్టారు. అప్పటికి 88 సీట్లకు పెరిగిన బిజెపి బిల్లును వ్యతిరేకిస్తూ 14 రోజులపాటు పార్లమెంటును స్తంభింపచేసింది. కాంగ్రెస్ ప్రభుత్వం ఆ బిల్లును ఉపసంహరించుకోక తప్పలేదు.
ఆ ప్రభుత్వం స్థానంలో బిజెపి నాయకత్వంలో ఎన్‌డిఎ ప్రభుత్వం ఏర్పడ్డాక అదే బిల్లును పార్లమెం టు ముందుంచింది. బిజెపి ప్రస్తుత ప్రభుత్వం భూసేకరణ చట్టం లేదా జిఎస్‌టికి సంబంధించిన నాటకానికి పూర్వోదంతం ఉందన్న మాట ముందు వ్యతిరేకించు, ఆ తర్వాత నీవు వ్యతిరేకించిన దాన్నే చేబట్టు! నేషనల్ ఫెడరేషన్ ఆఫ్ టెలీకం ఎంప్లాయీస్ (ఎన్‌ఎఫ్‌టిఇ) వర్గా ల ప్రకారం, ఆ బిల్లు సోమనాథ్ చటర్జీ నేతృత్వం వహిస్తున్న పార్లమెంటరీ కమిటీకి పంపబడింది. ఈ కమిటీ సైతం టెలీకం డిపార్టుమెంట్ కార్పొరేటీకరణ పథకాన్ని ఆమోదించింది. దీన్ని వ్యతిరేకిస్తూ ఎన్‌ఎఫ్‌టిఇ 2000 సంవత్సరం 6,7,8 తేదీల్లో దేశ వ్యాప్తంగా సమ్మె నిర్వహించింది.
ఫెడరేషన్‌తో మాట్లాడటానికిగాను ప్రభుత్వం ఆర్గురు మంత్రులతో సాధికారక కమిటీ ఏర్పాటు చేసింది. ఆ కమిటీ ఇచ్చిన హామీ లు 1) మీ ఉపాధికి రక్షణ ఉంటుంది; 2) ప్రైవేటీకరణ జరిగినా మీ పెన్షన్ ప్రభుత్వ నిధుల నుంచి చెల్లించబడుతుంది; 3) ప్రతిపాదిత కార్పొరేషన్ ఆర్థికంగా గిట్టుబాటుగా ఉంచబడుతుంది. ఈ హామీ ప్రాతిపదికపై సమ్మె ఉపసంహరించబడింది. 2000 అక్టోబర్ 1న భారత్ సంచార్ నిగం లిమిటెడ్ (బిఎస్‌ఎన్‌ఎల్) అస్థిత్వంలోకి వచ్చింది. అప్పుడు ఉద్యోగుల సంఖ్య సుమారు 3.5 లక్షలు. వారిలో లక్ష మంది ఎగ్జిక్యూటివ్‌లు, 2.5 లక్షల మంది నాన్ ఎగ్జిక్యూటివ్‌లు. కార్పొరేషన్‌ను ఏర్పరిచే పక్షంలో అది పార్లమెంటు చట్టం ద్వారా ఏర్పాటు చేయాలని ఎన్‌ఎఫ్‌టిఇ ప్రముఖ నాయకుడు ఒ.పి.గుప్తా కోరారు. అయితే ప్రభుత్వం దాన్ని అంగీకరించకుండా కంపెనీల చట్టం కింద కార్పొరేషన్‌ను రిజిస్టర్ చేసింది. న్యూఢిల్లీ, ముంబయి నగరాలకు ఎంటిఎన్‌ఎల్ అంతకుముందే ఏర్పాటైంది. ఎంటిఎన్‌ఎల్ ఈక్విటీ పెట్టుబడిలో 46 శాతం మాత్రమే స్టాక్ మార్కెట్ ద్వారా విక్రయించబడింది. 2004 వరకు బిఎస్‌ఎన్‌ఎల్ రూ. 10,500 కోట్ల లాభంతో, రూ. 40 వేల కోట్ల రిజర్వు నిధితో ఉంది. దాని మొత్తం ఆస్తుల విలువ రూ. 1,04,000 కోట్లు.
అదే సమయంలో ఎన్‌డిఎ ప్రభుత్వం వివిధ ఇతర టెలీకం సర్వీసులను ప్రవేటీకరించటం ఆరంభించింది. ఉదాహరణకు, పేజింగ్ సిస్టం. టెలీకం మంత్రి జగ్మోహన్ టెండర్లు పిలిచారు. కాంట్రాక్టు గెలుచుకున్న ప్రైవేటు కంపెనీలు లైసెన్స్ ఫీజుగాని, ఉల్లంఘనలకు విధించిన జరిమానాలుగాని చెల్లించలేదు. అప్పుడు ఎన్‌డిఎ ప్రభుత్వ ముద్దుబిడ్డ ప్రమోద్ మహాజన్ అడుగిడి, అటువంటి బకాయీలన్నిటినీ రద్దు చేశారు. అది ప్రధానంగా రిలయన్స్ కమ్యూనికేషన్స్ (ఆర్‌కం) కు లబ్ది చేకూర్చింది. ధిరూభాయి అంబానీ మరణానంతరం ఆస్తుల పంపకంలో ఆర్‌కం అనిల్ అంబానీకి వచ్చింది. అటు తర్వాత అది బ్యాంకులకు రూ. 45,000 కోట్ల మేరకు ఎన్‌పిఎలతో కృంగిపోవటం తెలిసిందే. దాన్ని ముఖేష్ అంబానీ పాక్షిక కొనుగోలు చేశారు. అదిప్పుడు మిహాన్, నాగపూర్‌లో రక్షణ ఉత్పత్తులకు ఆర్డర్లు పొందింది.
బిఎస్‌ఎన్‌ఎల్ కథలోకి తిరిగి వస్తే, అది ఉద్దేశపూర్వకంగా మొబైల్ రంగానికి దూరంగా ఉంచబడింది. అది ఢిల్లీ హైకోర్టుకు వెళ్లి, అనుమతి పొందాక 2002లో బిఎస్‌ఎన్‌ఎల్ మొబైల్ రంగంలో ప్రవేశించేందుకు లైసెన్స్ పొందింది. బిఎస్‌ఎన్‌ఎల్‌కు సమాన అవకాశం ఎందుకివ్వటం లేదని ఢిల్లీ హైకోర్టు కేంద్ర ప్రభుత్వాన్ని సరిగ్గా ప్రశ్నించింది.
బిఎస్‌ఎన్‌ఎల్ ఇతర ప్రైవేటు కంపెనీలన్నింటి తదుపరి రంగంలో ప్రవేశించినప్పటికీ 2002 నుంచి 2005 కాలంలో అగ్రస్థానం చేరుకుంది. బిఎస్‌ఎన్‌ఎల్ ఆగమనంతో కస్టమర్లకు ఛార్జీలు సైతం తగ్గించబడినాయి. అటు తర్వాత, అదనంగా 45 లక్షల కస్టమర్లకు నెట్‌వర్క్‌ను విస్తరించే నిమిత్తం అవసరమైన యం త్రాల సేకరణకు బిఎస్‌ఎన్‌ఎల్ అనుమతి కోరింది.
యుపిఎ1 ప్రభుత్వంలో టెలీకం మంత్రి దయానిధి మారన్ రెండేళ్లు ఆ ఫైలుపై కూర్చున్నారు. మంత్రిపై ఒత్తిడి తెచ్చిందుకు ఉద్యోగులు 2007 జులై 11న సమ్మె చేశారు. 22.5 లక్షల మొబైల్స్‌కు అనుమతి మంజూరైంది. అప్పటికి ప్రైవేటు కంపెనీలు మార్కెట విస్తరించాయి. ప్రతి ప్రైవేటు కంపెనీ తమ వ్యాపారంలో 20 శాతం గ్రామీణ ప్రాంతాలకు విస్తరించాలని నియమం ఉంది. దాన్ని అవి అనుసరించలేదు. ట్రాయ్ పట్టించుకోలేదు. అది లాభదాయం కాకపోయినా బిఎస్‌ఎన్‌ఎల్ దాన్ని విధిగా అమలు జరిపి దేశ మారుమూలలను ప్రధాన స్రవంతిలోకి తెచ్చింది. దీన్ని సార్వజనీన సామాజిక బాధ్యత (యుఎస్‌ఒ) అనేవారు. దీనికైన ఖర్చును చెల్లించటాన్ని ప్రభుత్వం 2011 తదుపరి ఆపుచేసింది. అదే విధంగా, బిఎస్‌ఎన్‌ఎల్ లాండ్‌లైన్ నెట్‌వర్క్‌ను ప్రైవేటు కంపెనీలు ఉపయోగించుకున్నందుకు పరిహారంగా ప్రభుత్వం బిఎస్‌ఎన్‌ఎల్‌కు వార్షిక డెఫిషిట్ చార్జి (ఎడిసి) చెల్లించేది. దీన్ని ప్రభుత్వం ఇప్పుడు ఆపివేయటమేగాక, 65,000 టవర్లతో కూడిన బిఎస్‌ఎన్‌ఎల్ ఆస్తులతో వేరే కంపెనీ ఏర్పాటు చేయతలపెట్టింది.
2010 బిఎస్‌ఎన్‌ఎల్‌కు మరీ గడ్డుకాలం. 2010 జూన్‌లో 3జి స్పెక్ట్రం వేలం జరిగింది. దానికి టెండర్ వేయకుండా బిఎస్‌ఎన్‌ఎల్‌ను నిషేధించారు. ప్రైవేటు కంపెనీల బిడ్డింగ్ ఒక ధరను నిర్ణయించగా, పాన్‌ఇండియా ( దేశవ్యాప్త) లైసెన్స్‌కుగాను రూ. 18,500 కోట్లు చెల్లించాలని బిఎస్‌ఎన్‌ఎల్‌ను కోరటం జరిగింది. ఇది చాలా అన్యాయం. ప్రైవేటు కంపెనీలు తాము ఎంచుకున్న కొన్ని సర్కిళ్లకే బిడ్ చేశాయి. బిడ్డింగ్ రెగ్యులేషన్స్‌కు విరుద్ధంగా అవి పాన్ ఇండి యా సర్వీసు నిమిత్తం అంతర్ సంబం ధం పెట్టుకున్నాయి. అయినా ట్రాయ్, మంత్రిత్వ శాఖ నోరుమెదపలేదు.
ఎంప్లాయీస్ ఫెడరేషన్ నిరసన వ్యక్తం చేయగా, రూ. 18,500 కోట్ల చెల్లింపును సిఎండి రెండ్రోజులు నిలుపుచేశారు. అందుకుగాను బిఎస్‌ఎన్‌ఎల్‌పై రూ. 30కోట్ల జరిమానా విధించబడింది. మళ్లీ 2010లోనే, కార్పొరేషన్ ఏర్పాటు చేసినపుడు తిరిగి చెల్లించనవసరం లేదు, వడ్డీ ఉండదు అనే షరతుపై వర్కింగ్ కాపిటల్ కింద ప్రభుత్వం ఇచ్చిన రూ. 7500 కోట్లు తిరిగి చెల్లించాలని బిఎస్‌ఎన్‌ఎల్‌ను కోరటం జరిగింది. 14 శాతం వడ్డీ కూడా విధించారు. బిఎస్‌ఎన్‌ఎల్ ఖజానా (రూ. 40,000 కోట్లు) ఖాళీ అయింది. ఇవాళ బిఎస్‌ఎన్‌ఎల్ బొటాబోటీ ఆదాయంతో రిలయన్స్ జియో వంటి బృహత్ సంస్థలతో పోటీపడుతున్నది.
2017 అక్టోబర్‌లో రిలయన్స్ జియో మార్కె ట్లో ప్రవేశించింది. ప్రధానమంత్రి తన బ్రాండ్ అంబాసిడర్‌లాగా ప్రకటనల్లో ఆయన ఫోటో వేసుకుంది. అది ఆరుమాసాలపాటు ఉచిత సర్వీసు ఇచ్చింది. ట్రాయ్ మార్గదర్శకాల ప్రకారం అటువంటి ప్రమోషనల్ చర్యలు మూడు మాసాలకే పరిమితం. దీంతో బిఎస్‌ఎన్‌ఎల్ కష్టాలు మరింత పెరిగాయి; పోటీని తట్టుకోలేని స్థితిని ఎదుర్కొంటున్నది. (ఐపిఎ సర్వీసు)

Comments

comments