Search
Friday 21 September 2018
  • :
  • :

బాబోయ్ ఉల్లి ఘాటు

  • కొనకుండానే కంట తడి
  • గొల్లుమంటున్న వినియోగదారులు
  • ఉల్లి పంట ఆశించిన రీతిలో లేకపోవటమే కారణం
  • రూ. 45 వరకు రిటైల్ ధర
  • అకాల వర్షాలతో పంట నష్టం

Nizamabad_Onion_Rateనిజామాబాద్ సాంస్కృతికం : ఉల్లి చేసిన మేలు తల్లికుడా చేయదంటారు. దానిలోని ఔషద గుణాలతో ఉల్లికి ఆ పేరొచ్చింది. కానీ ప్రకృతి అడ్డంకులు, వ్యవసాయంలో ఇబ్బందులు, ఉత్పత్తిలో తగ్గుముఖం తదితర కారణాలతో ఉల్లి లొల్లికి కారణం అయింది. ఫలితంగా ఉల్లి మళ్లీ కన్నీళ్లు పెట్టిస్తోంది. విని యోగదారులకు ఉల్లిధర ఘాటు తగులుతోంది. సామాన్యులు కొనలేని పరిస్థితి ఏర్పడుతుంది. భోజ నాలను ఉల్లిలేకుండా తినాల్సిన దుస్థితి తలెత్తుతోంది.
ప్రకృతి దెబ్బతో
దేశంలోనే ఉల్లి పంటను మహారాష్ట్రలో అత్యధికంగా పండిస్తున్నారు. అయితే గత డిసెంబర్, జనవరి నెలల్లో కురిసిన భారీ వర్షాల వల్ల మహారాష్ట్రంలో ఉల్లిపంట దారుణంగా దెబ్బతింది. దిగుబడులు అమాంతం పడిపోయాయి. దీంతో ఉల్లిగడ్డల కొరత ఇప్పుడు ఎదురవుతోంది. తాజా విపత్కర పరిస్థితుల నేపథ్యంలో ఉల్లి ధరలకు రెక్కలొచ్చాయి. నిజామాబాద్ మార్కెట్లో హోల్‌సెల్ ధర కిలోకు రూ. 40 వరకు విక్రయిస్తుంటే.. రిటైల్ ధర రూ. 45 వరకు పలుకుతోంది. ఎర్ర ఉల్లి కిలోకు రూ. 38 నుంచి రూ. 42 వరకు అమ్ముతున్నారు. గత మార్చి పెళ్లిళ్ల సీజన్‌లో ఉల్లి ధర కిలోకు హోల్‌సెల్ ధర రూ. 10, రిటైల్ రూ. 12 పలికింది. మే నెలలో హోల్‌సెల్ ధర రూ. 8, రిటైల్ రూ. 10 అమ్మారు. జూన్‌లో అమాంతం 24కు చేరుకుంది. ఇప్పుడేమో రూ. 40 దాటింది. అంటే మూడు నెలల్లో అమాంతంగా కిలో ఉల్లి రూ. 30కి పైగా పెరగటంతో వినియోగదారులు ఆందోళన చెందుతున్నారు.
జిల్లాలో ఇదీ వరస
జిల్లాలో 25.50 లక్షల జనాభా ఉన్నారు. 6 లక్షల కుటుంబాలు ఉన్నాయి. ప్రతీ కుటుంబం ఉల్లిని వినియోగిస్తుంది. ఒక్కో కుటుంబం సగటున నెలకు రూ. 5 నుంచి 6 కిలోల వరకు ఉపయోగిస్తున్నట్లు అంచనా.. జిల్లాలో చిన్నా, పెద్దా కలిపి సుమారు 4వేల వరకు హోటళ్లు ఉన్నాయి. ఒక్కో హోటల్‌లో సగటున 2 క్వింటాళ్ల ఉల్లి వినియోగి స్తున్నారు. ఈ లెక్కన జిల్లాలో గృహావసరాలకు, హోటళ్లకు కలిపి నెలకు కనీసం 4.5 టన్నుల వరకు ఉల్లి అవసరం ఉంటుంది. అయితే ఉల్లిని జిల్లాలో బాల్కొండ, బోధన్, అంకాపూర్ తదితర ప్రాంతాల్లో 5వేల ఎకరాల్లో మాత్రమే పండిస్తున్నారు. ఎకరాకు సగటున 50-60 క్వింటాళ్ల దిగుబడి మాత్రమే వస్తుంది. దీని ప్రకారం జిల్లాలో సీజన్‌కు కేవలం 6 నుంచి 7 మెట్రిక్ టన్నుల ఉల్లి పండుతోంది. దీంతో మహా రాష్ట్ర లోని ధర్మాబాద్, అకోల, హింగోలి, దులియా, ఔరంగా బాద్,జాల్నా తదితర ప్రాంతాల నుంచి దిగుమతి చేసుకోవాల్సిన పరిస్థితి కొనసాగుతుంది. ఇలా ఉల్లికి డిమాండ్ పెరుగుతూ ఉంటే ధర కూడా పెరుగూతూ వస్తుంది. దీనికి తోడు మధ్య దళారులు సైతం ఇష్టారీతిన ధరలు పెంచేస్తూ.. సామాన్యులకు ఇబ్బంది కలిగిస్తున్నారు.

Comments

comments