Search
Sunday 18 November 2018
  • :
  • :
Latest News

పెరిగిన పెట్రోల్, డీజిల్ ధరలు

The rise in petrol, diesel prices over the years

హైదరాబాద్: వరుసగా 12వ రోజూ పెట్రోల్, డీజిల్ ధరలు పెరిగాయి. శుక్రవారం లీటర్ పెట్రోల్‌పై 32 పైసలు, లీటర్ డీజిల్‌పై 18 పైసలు పెంచారు. పెరిగిన పెట్రోల్, డీజిల్ ధరలు శనివారం ఉదయం నుంచే అమల్లోకి వస్తాయి.  వచ్చే రోజుల్లో లీటరు పెట్రోలు, డీజిల్ ధర రూ.4 వరకు పెరిగే అవకాశముందని పలు సంస్థలు ఇంతకు ముందు అంచనా వేసిన విషయం తెలిసిందే. కర్నాటక ఎన్నికలు ముగిసిన వెంటనే చమురు సంస్థలు రోజువారీ పెట్రో ధరల సవరణ చేస్తోంది. ప్రభుత్వరంగ ఆయిల్ సంస్థలు.. ఐఒసి(ఇండియన్ ఆయిల్ కార్పొరేషన్), హెచ్‌పిసిఎల్(హిందుస్తాన్ పెట్రోలియం కార్పొరేషన్), బిపిసిఎల్(భారత్ పెట్రోలియం కార్పొరేషన్ లిమిటెడ్)లు సోమవారం నుంచి రోజువారీ డీజిల్, పెట్రోలు ధరలను సవరణ మొదలు పెట్టాయి.  కొటక్ ఇనిస్టిట్యూషనల్ ఈక్విటీస్ నివేదికలో పెట్రో ధర అంచనాలను పేర్కొంది.

దీని ప్రకారం, దిగుమతి చేసుకునే ఆయిల్ మార్కెటింగ్ కంపెనీ (ఒఎం సి)లు డీజిల్ రిటైల్ ధర లీటరుకు రూ.3.5 నుంచి రూ.4కు.. అలాగే పెట్రోలు లీటరుకు రూ.4 నుంచి రూ.4.55కు పెంచాల్సిన అవసరం ఉంది. ఈమేరకు ఆ సంస్థ నివేదికలో తెలిపింది. అంతర్జాతీయ చమురు ధరలు, రూపాయి డాలర్ మారకం విలువ ఆధారంగా పెట్రో ధరలను పెంపు ఉంటుంది. అంతర్జాతీయంగా క్రూడ్ ఆయిల్ ధరలు పెరిగినప్పటికీ కర్నాటక ఎన్నికల ఫలితాలకు ముందు పెట్రో ధరలను పెంచలేదు. కాగా గత 28 నెలల్లో డీజిల్ ధరల పెంపు 50 శాతానికిపైగా అంటే 51.17 శాతం పెరిగినట్టు తెలిసింది. 2016 జనవరి 16న ఢిల్లీలో లీటరు డీజిల్ ధర రూ.44.18 ఉంటే, 2018 మే 17 అంటే నేటికి లీటరుకు రూ.66.79కు పెరిగినట్టు వెల్లడైంది.

Comments

comments