Search
Tuesday 13 November 2018
  • :
  • :
Latest News

చుక్కల మందు పంపిణీకి సర్వం సిద్ధం

Polio-vaccine

మనతెలంగాణ/ వికారాబాద్ జిల్లా : వికారాబాద్ జిల్లాలో పోలి యో చుక్కల మందు పంపిణీకి అధికారులు అన్ని చర్యలు తీసుకున్నారు. ఆదివారం వికారాబాద్ ఏరియా ఆసుపత్రిలో చిన్న పిల్లలకు చుక్కలు వేసి పోలీయో చుక్కల మందు పంపిణీ కార్యక్రమాన్ని ప్రారంభించనున్నారు. జిల్లాలో ఉన్న వికారాబాద్, తాండూరు మున్సిపల్‌లను కలుపుకొని మొత్తం 18 మండలాలలో 10 లక్షల 2 వేల 405 జనాభా ఉన్నారు. జిల్లా వ్యాప్తంగా లక్ష 92 వేల 64 నివాస గృహాలు ఉన్నాయి. అదేవిధంగా జిల్లా వ్యాప్తం ఐదు సంవత్సరాల లోపు పిల్లు లక్ష 13 వందల 27 మంది ఉన్నారు. ఐదు సంవత్సరాల లోపు పిల్లలందరికి ఈ నెల 29వ తేదీ ఆదివారం పోలీయో చుక్కల మందు వేయడానికి జిల్లా వైద్య, ఆరోగ్య శాఖ అధికారులు పూర్తి చర్యలు తీసుకున్నారు.

ఈ మేరకు జిల్లా వ్యాప్తంగా 818 పోలీయో చుక్కలు వేయడానికి బూత్‌లను ఏర్పాటు చేశారు. ఒక్కో బూత్‌లో నలుగురు సిబ్బంది ఎఎన్‌ఎం, అంగన్‌వాడీ కార్యకర్త, ఆశ వర్కర్‌తో పాటు ఓ వాలంటీర్‌ను నియమించారు. మొదటి రోజు ఆదివారం బూత్‌లలో చిన్న పిల్లలకు వైద్య సిబ్బంది పోలీయో చుక్కలు వేస్తారు. అదేవిధంగా 21 మోబైల్ బృందాలు ఏర్పాటు చేశారు. అదేవిధంగా బస్టాండ్, రైల్వేస్టేషన్లలో పోలీయో చుక్కలు వేయడానికి 13 బృందాలను ఏర్పాటు చేశారు. ఇంక ఎవరైనా మిగిలిన చిన్న పిల్లలు ఉంటే సోమ, మంగళవారాలలో ప్రతి ఇంటింటికి తిరిగి పోలీయో చుక్కలు వేయనున్నారు. దీనికి గాను వికారాబాద్ జిల్లా వ్యాప్తంగా పల్స్ పోలీయో చుక్కల మందు పంపిణీ కార్యక్రమంలో మొత్తం 3,280 మంది సిబ్బందిని అధికారులు సిద్ధం చేశారు. ఒక్కో బూత్‌లో పని చేసే సిబ్బంది 900 రూపాయల చొప్పున పంపిణీ చేయడానికి అధికారులు చర్యలు తీసుకున్నారు. పోలీయో చుక్కల మందు వాల్స్ ఇప్పటికీ జిల్లా కేంద్రానికి చేరుకోగా, వాటిని జిల్లాలోని అన్ని మండలాలలకు తరలించారు.

Comments

comments