Search
Sunday 23 September 2018
  • :
  • :
Latest News

నిధుల వరద

Two other permits to Kaleshwaram project

సాగునీటి ప్రాజెక్టులపై ఈ ఆర్థిక ఏడాది మొదటి మూడు నెలల్లోనే రూ. 6478 కోట్ల ఖర్చు
కేటాయించిన దానికంటే ఎక్కువే

మన తెలంగాణ/ హైదరాబాద్ : నీటిపారుదల ప్రాజెక్టులపై ప్రభుత్వం ప్రస్తుత ఆర్థిక సంవత్సరంలో మూడు నెలల వ్యవధిలోనే రూ.6478 కోట్లు ఖర్చు చేసింది. ఈ ఆర్థిక సంవత్సరం బడ్జెట్‌లో సాగునీటి రంగానికి పాతికవేల కోట్లను కేటాయించగా తొలి త్రైమాసికంలో కేటాయింపులకంటే కొంత ఎక్కువగానే నిధులను విడుదలచేసింది. గత మూడేళ్లుగా ప్రతీ బడ్జెట్‌లో రూ.25 వేల కోట్ల చొప్పున సాగునీటి రంగానికి ప్రభు త్వం కేటాయిస్తూ ఉంది. కాళేశ్వరం కార్పొరేషన్ ఏర్పాటు తర్వాత ఆ ప్రాజెక్టుకు నిధుల విడుదల కు ఇబ్బందులు తొలగిపోయాయి. ప్రస్తుత ఆర్థిక సంవత్సరం తొలి త్రైమాసికంలో ఖర్చు చేసిన రూ.6478 కోట్లలో కాళేశ్వరం ప్రాజెక్టుకే రూ. 3800 కోట్లు ఖర్చయింది. ఈ నిధులన్నీ కార్పొరేషన్ ద్వారానే ఇచ్చినప్పటికీ, అదనంగా రూ.159 కోట్లు కాళేశ్వరం పనులకు వెచ్చించింది. కాళేశ్వరం మినహా మిగతా ప్రాజెక్టులకు రూ.2500 కోట్లు వెచ్చించింది. కాళేశ్వరం తర్వాత పాలమూ రురంగారెడ్డి ఎత్తిపోతలకే ప్రభుత్వం ఎక్కువ ఖర్చు చేసింది. రూ.654 కోట్లు ఈ ప్రాజెక్టుకు చెల్లించగా, ఇంకా రూ.1200 కోట్ల మేర బిల్లులు చెల్లింపు దశలో ఉన్నాయి. వరద కాలువకు రూ. 193 కోట్లు, డిండికి రూ.189 కోట్లు, ఎఎంఆర్‌పి ఎస్‌ఎల్‌బిసికి రూ.167 కోట్లు, కాంతనపల్లికి రూ.112.5 కోట్లు, సీతారామ ఎత్తిపోతలకు రూ.102 కోట్ల చొప్పున ప్రభుత్వం వెచ్చించింది. ప్రస్తుత ఆర్ధిక సంవత్సరంలో ప్రాజెక్టుల వారీగా బడ్జెట్ కేటాయింపులు, తొలి త్రైమాసికంలో ఖర్చు వివరాలిలా ఉన్నాయి.
ప్రాజెక్టు పేరు           కేటాయింపులు(రూ. కోట్లల్లో)    ఖర్చు (రూ. కోట్లల్లో) 

1. శ్రీరాంసాగర్                   227.40                                    97.61
2. కడెం                               12.90                                   0.02
3. నిజాంసాగర్                  100.16                                   19.14
4. ఆర్‌డిఎస్                    145.25                                    35.89
5. సింగూరు                       62.24                                   13.83
6. జూరాల                          57.10                                    1.98
7. ఎఎంఆర్‌పి                      695.09                                167.02
8. నాగార్జునసాగర్              325.49                                 52.33
9. నెట్టెంపాడు                     200.60                                24.78
10. ఎస్‌ఆర్‌ఎస్‌పి                2 200.02                             22.34
11. కల్వకుర్తి                       501.20                                105.56
12. కోయిల్‌సాగర్                121.02                                 5.31
13. వరద కాలువ                689.94                                193.28
14. భీమా                           172.50                                 28.64
15. ఎల్లంపల్లి                        300                                     26.59
16. దేవాదుల                      1956.47                               27.50
17. ప్రాణహిత                       371.09                                 16.27
18. కాళేశ్వరం ప్రాజెక్టు          6156.08                               159.62
కాళేశ్వరం కార్పొరేషన్           3798.25
19. సీతారామ ఎత్తిపోతల      1196.94                              102.63
20. భక్త రామదాసు ఎత్తిపోతల  55.85                              33.33
21. డిండి ఎత్తిపోతల             514.93                                 189.18
22. లెండి ఎత్తిపోతల            30 0
23. అలీసాగర్                     0.50 0
24. గుత్ప                           1 0
25. చౌటుపల్లి ఎత్తిపోతల     6 1.62
26. కాంతనపల్లి ఎత్తిపోతల  500                                      112.50
27. పెన్‌గంగ ప్రాజెక్టు            250                                     64.94
28. పాలమూరు ఎత్తిపోతల  3065.30                             654.66
29. వరద కాలువలు           100                                       6.90
30. మూసీ ప్రాజెక్టు              25 0
31. మీడియం ఇరిగేషన్       569                                        92
32. మైనర్ ఇరిగేషన్           2690                                      398

Comments

comments