Search
Monday 24 September 2018
  • :
  • :
Latest News

జాన్వీ టాలీవుడ్ ఎంట్రీ..?

Sridevi's daughter Jhanvi Kapoor Entry in Tollywood

హైదారబాద్: టాలీవుడ్ లో అతిలోక సుందరి శ్రీదేవి ప్రస్థానం గురించి ఎంత చెప్పిన తక్కువే అవుతుంది. తెలుగు సినీ ప్రేక్షకుల హృదయాల్లో అందాల తారగా చెరగని ముద్ర వేశారామె. అయితే, శ్రీదేవి అకాలమరణం ఆమె అభిమానులను తీవ్రంగా కలిచివేసింది. ఈ తరుణంలో ఆమె పెద్ద కూతురు జాన్వీ కపూర్ ఇటీవల ‘దఢక్’ మూవీతో బాలీవుడ్ లో అరంగేట్రం చేసింది. మొదటి చిత్రంతోనే జాన్వీకి అభిమానుల నుంచి మంచి మార్కులే పడ్డాయి. తొలి మూవీలోనే తనదైన నటతో అలరించిందామె. కాగా, తాజాగా జాన్వీ ఓ తెలుగు చిత్రంలో స్టార్ హీరో సరసన నటించనుందని, ఈ మేరకు ప్రముఖ టాలీవుడ్ నిర్మాత దిల్ రాజు చర్చలు జరుపుతున్నారని తెలుగు చిత్ర పరిశ్రమలో ఓ వార్త హల్ చల్ చేస్తోంది. శ్రీదేవికి తెలుగులో ఉన్న క్రేజ్ ను దృష్టిలో పెట్టుకుని, జాన్వీని టాలీవుడ్ లో ఎంట్రీ చేయించాలని ఆమె తండ్రి బోనీ కపూర్ భావిస్తున్నట్టు సమాచారం.  ఓ స్టార్ హీరోతో తాను నిర్మించే చిత్రంలో జాన్వీని పరిచయం చేయాలని దిల్ రాజు… బోనీతో చర్చించారని తెలిసింది. అయితే ఇప్పటి వరకు ఈ విషయంపై అటు దిల్ రాజు నుంచి గానీ, ఇటు బోనీ కపూర్ నుంచి గానీ ఎలాంటి అధికారిక ప్రకటన ఇంకా రాలేదు. జాన్వీ టాలీవుడ్ ఎంట్రీపై వినిపిస్తున్న వార్తలు ఎంత వరకు నిజం అనేది తెలియాలంటే ఇంకొన్ని రోజులు వేచి చూడాల్సిందే.

Comments

comments