Home వార్తలు ముచ్చటగా మూడోసారి…

ముచ్చటగా మూడోసారి…

nagachaitanya-and-tamannaదర్శకుడు కళ్యాణ్‌కృష్ణ తన రెండో సినిమాగా రూపొందిస్తున్న లవ్ స్టోరీలో ముందుగా నాగచైతన్య, సమంత జోడీగా నటించాల్సి ఉంది. సమంత ఈ చిత్రం చేయననడంతో ఆ స్థానంలో రకుల్‌ప్రీత్ సింగ్‌కు ఆ ఛాన్స్ దక్కిందని టాక్ వినిపించింది.  కానీ మహేష్‌బాబు సినిమాకు డేట్లు ఇచ్చేయడంతో… రకుల్‌కు ఈ సినిమా చేయడం సాధ్యంకావడం లేదట. దీంతో రకుల్ స్థానంలో మరో హీరోయిన్‌ను ఎంపికచేయాల్సిన పరిస్థితి ఏర్పడింది. దీంతో ఫిల్మ్‌మేకర్స్ మిల్కీ బ్యూటీ తమన్నాను హీరోయిన్‌గా ఎంపికచేశారట. ప్రస్తుతం తెలుగులో ఆమె చేతిలో ఒక్క సినిమా కూడా లేదు. బాలీవుడ్‌లో రెండు సినిమాలున్నా కూడా వాటి షూటింగ్ ఇంకా మొదలయ్యేలా లేదు. అందుకే ఈ గ్యాప్‌లో మరో సినిమా ఏదైనా వస్తుందేమోనని ఆశగా ఎదురుచూస్తున్న తమన్నాకు… నాగచైతన్య సినిమా లక్కీ ఆఫర్‌గా లభించింది. ఈ సినిమా ఆఫర్ రాగానే వెంటనే తమన్నా ఓకే చేసిందట. గతంలో 100% లవ్, తడాఖా వంటి హిట్ సినిమాల్లో నాగచైతన్యకు జంటగా నటించింది తమన్నా. ఈ సినిమాల్లో తన గ్లామర్‌తో ఒక ఊపు ఊపిన ఆమె ఇప్పుడు నాగచైతన్యతో జోడీగా నటిస్తూ హ్యాట్రిక్ హిట్‌కు ప్రయత్నించనుంది.