Home ఆఫ్ బీట్ ఉల్కల వల్లే నీరు..!

ఉల్కల వల్లే నీరు..!

Universal

భూమిపై జీవరాశి పుట్టుకకు నీరు కారణమని శాస్త్రీయంగా రుజువైన విషయం తెల్సిందే. అలాంటి నీరు ఈ భూమి మీదకు ఎలా వచ్చిందనే విషయంపై అమెరికాలోని మెసాచుసెట్స్ ఇనిస్టిట్యూట్ ఆఫ్ టెక్నాలజీ శాస్త్రవేత్తలు కొత్త విషయాలను వెల్లడించారు. మన సౌర వ్యవస్థ ఆవిర్భవించిన తొలి రెండు మిలియన్ సంవత్సరాల్లో భూమిపైకి ఉల్కలే నీటిని తీసుకొచ్చాయని చెబుతున్నారు. సౌరవ్యవస్థ తొలి దశలో ఈ ఉల్కలు ఎలా ఉండేవి? ఎక్కడ ఉండేవి? వాటిలో ఎంతమేరకు జలసంపద ఉండేది అన్నదానిపై మరింత అధ్యయనాన్ని చేస్తున్నట్లు మసాచుస్సెట్స్ టెక్నాలజీ సంస్థ (ఎమ్‌ఐటి)కు చెందిన ఆడమ్ సరాఫియాన్ వెల్లడించారు. అసలు ఉల్కలంటే అంతరిక్షంలోని శిథిల పదార్థాలు . సౌర మండలంలోని మంచు, వాయువులు , ధూళితో ఉల్కలు ఏర్పడతాయి. ఇవి మైక్రాన్ల నుంచి కొన్ని కిలోమీటర్ల మేర వ్యాసార్థాన్ని కలిగి ఉంటాయి. వీటికి నిర్దిష్ట కక్ష ఉండదు. అంతరిక్షంలో సంచరిస్తున్న శిథిల పదార్థం భూమి సమీపంలోకి వచ్చినప్పుడు గురుత్వాకర్షణకు లోనవుతుంది. ఫలితంగా భూమి వాతావర ణంలోకి ఆకర్షితమవుతాయి.