Search
Sunday 18 November 2018
  • :
  • :
Latest News

విజయం ఎవరిని వరించేనో…?

ph* నేడే కౌటాల ఎంపిటిసి ఉప ఎన్నికలు
* ప్రధాన పార్టీలకు ప్రతిష్టాత్మకం
* హోరాహోరిగా సాగిన ప్రచారం
* గెలుపుపై ఎవరి దీమా వారిదే

 కౌటాల : కౌటాల ఎంపిటిసి ఉప ఎన్నికలు గురువారం మండల కేంద్రంలోని జడ్‌పిఎస్‌ఎస్ పాఠశాలలో జరగనున్నాయి. పోలింగ్ ఉదయం 7 గంటల నుంచి సాయంత్రం 5 గంటల వరకు జరుగుతుండగా అధికారులు అన్ని విధాలుగా ఏర్పాటు చేశారు. కౌటాల  ఎంపిటిసిగా గెలుపొంది, ఎంపిపిగా బాధ్యతలు స్వీకరించిన చదువులజ్యోతి రాజీనామా చేయడంతో ఉప ఎన్నిక అనివార్యంగా మారింది. ఈ పోటీల్లో టిఆర్‌ఎస్ అభ్యర్థి పసుపునూరి స్వప్న కాంగ్రెస్, దోబె స్వప్ప టిడిపి, జె.శారధ బిజెపి, మంజులతగౌడ్, స్వర్గీయ పాల్వాయి పురుషోత్తరంరావు తనయుడు పాల్వాయి హరీష్‌బాబు తరపున పుష్పలత పోటీ చేస్తున్నారు. కాగా ఈ ఎన్నిక ప్రధాన పార్టీలకు ప్రతిష్టాత్మకంగా మారింది. టిఆర్‌ఎస్ తరుపున సిర్పూర్ ఎంఎల్‌ఎ కోనేరుకోనప్పతో పాటు టిఆర్‌ఎస్ జిల్లా అధ్యక్షురాలు మూల విజయరెడ్డి, గాయిని మధుప్రియలు ప్రచారాన్ని హోరెత్తించగా పాల్వాయి హరీష్‌బాబు, మాజీ ఎంఎల్‌ఏ పాల్వాయి రాజ్యలక్ష్మి, పాల్వాయి అభిమానులు ప్రచారాన్ని హోరెత్తించారు. ఎంపిటిసి పరిధిలో 2646 మంది ఓటర్లు ఉండగా పోలింగ్ కోసం అధికారులు ముమ్మరం చేశారు.

Comments

comments