Search
Wednesday 26 September 2018
  • :
  • :
Latest News

దారుణం.. ప్రియుడితో కలిసి భర్తను…

Wife killed Husband with lover

చెన్నై: ఈ రోజుల్లో భార్యభర్తల బంధానికి అర్థమే మారిపోతుంది. క్షణిక సుఖం కోసం కట్టుకున్నవారినే దారుణంగా అంతమొందిస్తున్న ఘటనలు కొకొల్లలుగా వెలుగులోకి వస్తున్నాయి. వివాహమై పిల్లలు ఉన్న తర్వాత కూడా మహిళలు మరో వ్యక్తితో కలిసి భర్తలను చంపేస్తుండడం శోచనీయం. తాజాగా ఇలాంటి కోవలోనే మరో ఘటన తమిళనాడు రాజధాని చెన్నైలో జరిగింది. దీంతో భర్త హత్య కేసులో భార్య సహా ముగ్గురిని పోలీసులు అదుపులోకి తీసుకున్నారు. పోలీసుల కథనం ప్రకారం… తిరుపత్తూర్‌ గౌతమ్‌ పేటకు చెందిన రాజ్‌కుమార్‌(28), కౌసల్య (22) దంపతులకు ఒక కొడుకు, కుమార్తె ఉన్నారు. రాజ్‌కుమార్‌ తిరుపత్తూర్‌ బస్టాండులోని సైకిల్‌ షాపులో పని చేసి కుటుంబాన్ని పోషిస్తున్నాడు. అయితే, ఈనెల 11న పెరియకులచ్చిలో గోవిందన్‌కు చెందిన పొలంలో విగతజీవిగా పడి ఉండగా స్థానికులు పోలీసులకు సమాచారం అందించారు.

స్థానికుల సమాచారంతో ఘటనాస్థలికి చేరుకున్న కందిలి పోలీసులు కేసు నమోదు చేసి దర్యాప్తు చేపట్టారు. పోలీసుల విచారణలో కౌసల్యకు అదే ప్రాంతానికి చెందిన లారీ డ్రైవర్‌ రమేష్‌తో వివాహేతర సంబంధం కొనసాగిస్తుంది. ఈ విషయం తెలుసుకున్న భర్త రాజ్‌కుమార్‌ భార్యను మందలించాడు. మానుకోవాలని హెచ్చరించాడు. దీంతో రాజ్‌కుమార్‌ తమ బంధానికి అడ్డు వస్తున్నాడని భావించిన కౌసల్య భర్తను హతమార్చాలని ప్రియుడు రమేష్‌తో కలిసి పథకం వేసింది. రాజ్‌కుమార్‌కు తాగుడు అలవాటు ఉంది. దీన్ని ఆసరగా చేసుకుని రమేష్‌ స్నేహితుడు తులసిరామన్‌ సాయంతో ఈనెల 11వ తేది రాజ్‌కుమార్‌చేత పూటుగా మద్యం తాగించి ఆ తర్వాత అతడి గొంతు కోసి హతమార్చారు. అనంతరం బైక్పై మృతదేహాన్ని తీసుకెళ్లి పొలంలో పడేసినట్లు తెలిపారు. దీంతో రాజ్‌కుమార్‌ భార్య కౌసల్య, రమేష్‌, తులసిరామన్‌ను పోలీసులు అదుపులోకి తీసుకుని కటకటాల్లోకి నెట్టారు.

Comments

comments