Search
Thursday 15 November 2018
  • :
  • :

పారిస్ చేరుకోగలమా?

గ్రీన్‌హౌస్ వాయువులను విడుదల చేస్తున్నదేశాల్లో చైనాది అగ్రస్థానం. ఒక్క చైనాయే 20.09 శాతం గ్రీన్‌హౌస్ వాయువులను విడుదల చేస్తోంది. దాని తర్వాతి స్థానం అమెరికాది. అమెరికా 17.89 శాతం వాయువులు విడు దల చేస్తోంది. ఆస్ట్రేలియా 1.46, బ్రెజిల్ 2.48, కెనడా 1.95, ఫ్రాన్స్ 1.34, జర్మ నీ 2.56, ఇండియా 4.10, ఇండోనేషియా 1.49, ఇరా న్ 1.30, ఇటలీ 1.18, దక్షిణ కొరియా 1.85, మెక్సికో 1.70, పోలెండ్ 1.06, రష్యా 7.53, దక్షిణా ఫ్రికా 1.46, టర్కీ 1.24, ఉక్రె యిన్ 1.04 శాతం గ్రీన్‌హౌస్ వాయువులను విడుదల చేస్తున్నా యి. మొత్తం 61 దేశాలు పారిస్ శిఖరాగ్ర సదస్సును ఆమోదించిన ప్పటికీ ఇవన్నీ విడుదల చేస్తున్న మొత్తం గ్రీన్ హౌస్ వాయువులు ప్రపంచంలో విడు దల అవతున్న గ్రీన్ హౌస్ వాయువుల్లో 47.78 శాతం మాత్రమే కాబట్టి మరిన్ని దేశాలు ఈ ఒప్పందంపై సంతకాలు చేయవలసి ఉంది. 

కరువు దాడులు
భూ ఉపరితల ఉష్ణోగ్రత పెరిగితే భూమిపై నీరు ఆవిరి అయిపోవడం కూడా పెరుగుతుంది. అంటే వాతావరణంలో మార్పులు చోటు చేసుకుం టాయి. వర్షాలు పడవలసిన కాలంలో వర్షాలు పడ వు. అకాల వర్షాలు కురుస్తాయి. వాతావరణంలో తేమ పెరుగుతుంది. హిమనదాలు, మంచు కొండలు కరిగే ప్రక్రియ వేగవంతమవుతుంది. ఈ వాతావరణ మార్పులు పంటలపై ప్రభావం చూపు తాయి. గ్రీన్ హౌస్ వాయువులను నియంత్రించకపోతే భయానక మైన కరువు తప్పదని నాసా హెచ్చరించింది.

Earth-warm1వాతావరణ కాలుష్య నివారణకు పారిస్‌లో ఐక్య రాజ్యసమితి ఆధ్వర్యంలో డిసెంబరు 12, 2015 వ తేదీన సదస్సు జరిగింది. ఈ సదస్సులో ఒప్పం దంపై సంతకాలు చేయడం ఏప్రిల్ 22, 2016 నుంచి ప్రారం భమైంది. సెప్టెంబరు నాటికి 191 దేశాలు దీనిపై సంతకాలు చేశాయి. అందులో 61 దేశాలు ఒప్పందాన్ని ఆమోదించడం (ratify) జరిగింది. అయితే ప్రపంచంలో 55 శాతం గ్రీన్ హౌస్ వాయువులను విడుదల చేస్తున్న 55 దేశాలు ఒప్పం దాన్ని ఆమోదిస్తూ, అంగీకారం తెలిపితేనే అమలులోకి వస్తుంది. ఇప్పుడు 61 దేశాలు ఆమోదించినప్పటికీ ఇందులో చాలా దేశాలు గ్రీన్ హౌస్ వాయువులను భారీగా విడుదల చేసే దేశాలు కాదు కాబట్టి మరికొన్ని దేశాలు అమో దించవలసి ఉంది. ఈ ఒప్పందం ముఖ్యోద్దేశ్యం భూమి సగ టు ఉష్టోగ్రత పారిశ్రామికీకరణ కన్నా ముందు నాటి ఉష్టో గ్రతకు గరిష్ఠంగా 2 డిగ్రీలు సెల్సియస్ దాటకుండా జాగ్రత్త లు తీసుకోవడం. దీని వల్ల వాతావరణ మార్పుల ప్రమాదాన్ని చాలా వరకు అరికట్టవచ్చని భావిస్తున్నారు.

వేడెక్కుతున్న భూగోళం
21వ శతాబ్దంలో భూ ఉపరితల ఉష్ణోగ్రత చాలా పెరిగినట్లు స్పష్టంగా తెలుస్తోం ది. 1850 తర్వాతి నుంచి ఉష్ణోగ్రతలను పరిశీలిస్తే 2014వ సంవత్సరంలో వేడి చాలా ఎక్కువ. 2015లో మరింత పెరిగింది. 1950 తర్వాతి నుంచి ప్రతి భూ ఖండంలోనూ ఉష్ణోగ్రత పెరిగింది. ఆర్కిటిక్ సము ద్రంలో మంచు ప్రతి సంవత్స రం కరుగుతోంది. 1979 నుంచి ప్రతి సంవత్సరం 3.5 శాతం నుంచి 4.1 శాతం వరకు మంచు కరుగుతోంది. ఆల్పన్స్, హిమాలయా, రాకీ పర్వతాల్లోని హిమనదాలు కరుగుతున్నాయి.
గ్రీన్‌హౌస్ వాయువులను విడుదల చేస్తున్న దేశాల్లో చైనాది అగ్రస్థానం. ఒక్క చైనాయే 20.09 శాతం గ్రీన్ హౌస్ వాయు వులను విడుదల చేస్తోంది. దాని తర్వాతి స్థానం అమెరికాది. అమెరికా 17.89 శాతం గ్రీన్ హౌస్ వాయువులు విడుదల చేస్తోంది. ఆస్ట్రేలియా 1.46, బ్రెజిల్ 2.48, కెనడా 1.95, ఫ్రాన్స్ 1.34, జర్మని 2.56, ఇండియా 4.10, ఇండోనేషియా 1.49, ఇరాన్ 1.30, ఇటలీ 1.18, దక్షిణ కొరియా 1.85, మెక్సికో 1.70, పోలెండ్ 1.06, రష్యా 7.53, దక్షిణాఫ్రికా 1.46, టర్కీ 1.24, ఉక్రెయిన్ 1.04 శాతం గ్రీన్ హౌస్ వాయువులను విడుదల చేస్తున్నాయి. మొత్తం 61 దేశాలు పారిస్ శిఖరాగ్ర సదస్సును ఆమోదించినప్పటికీ ఇవన్నీ విడు దల చేస్తున్న మొత్తం గ్రీన్ హౌస్ వాయువులు ప్రపంచంలో విడుదల అవతున్న గ్రీన్ హౌస్ వాయువుల్లో 47.78 శాతం మాత్రమే కాబట్టి మరిన్ని దేశాలు ఈ ఒప్పందంపై సంతకాలు చేయవలసి ఉంది. అమెరికా, చైనాలు ఈ ఒప్పందాన్ని ఆమోదించాయి. ఇండియా కూడా ఆమోదం తెలిపింది.

సముద్రమట్టం పెరుగుతోంది
దశాబ్దకాలంగా సముద్రమట్టాలను పరిశీలిస్తే దశా బ్దం కన్నా ముందు పరిస్థితి ఇప్పుడు లేదు. సము ద్రమట్టం 19 సెం.మీ.లు పెరిగింది. 1850 తర్వాతి నుంచి సముద్రమట్టం పరిశీలిస్తే, అంతకు ముందు రెండు వేల సంవత్సరాల కన్నా 1850 నుంచి ఇప్పటి వరకు సముద్రమట్టం పెరుగుదల చాలా ఎక్కువ. ప్రస్తుతం ఏటా 3.24 మి.మీ. చొప్పున సముద్రమట్టం పెరుగుతున్నట్లు తెలుస్తోంది. దీనివల్ల తీరప్రాంతాలు సముద్రంలో మునుగుతున్నాయి. ఇదే రేటు చొప్పున సముద్రమట్టం పెరిగితే ఈ శతాబ్దం ముగిసేలోగా సముద్రమట్టం 32.4 సెం.మీ.లు పెరుగుతుంది.
పారిశ్రామికీకరణ కన్నా ముందునాటి ఉష్ణోగ్రతస్థాయి కన్నా 2 డిగ్రీల సెంటీగ్రేడు లోపే భూ ఉపరితల ఉష్ణోగ్రత పెరుగుదలను ఆపాలన్నది అసలు లక్ష్యం. సాధ్యమైతే 1.5 డిగ్రీ సెంటీగ్రేడు కన్నా తక్కువ పెరుగుదల ఉండేలా చూడాలని భావిస్తున్నారు. ఇది సాధ్యమా? ఆయిల్ ఛేంజ్ ఇంటర్నేషనల్ అనే అంతర్జాతీయ సంస్థ లెక్కల ప్రకారం ఈ లక్ష్యాలు సాధించాలంటే, ప్రభు త్వాలు శిలాజ ఇంధనాల ప్రాజెక్టులకు అనుమతులు ఆపే యవలసి ఉంటుంది. చమురు, సహజవాయు నిక్షేపాలు, బొగ్గు గనులు కొన్ని మూతవేయవలసి ఉంటుంది.

గ్లోబల్ వార్మింగ్ ప్రభావం
ఆర్కిటిక్ మంచు కరగడం వల్ల అక్కడ ఉన్న అపార సహజవాయు నిక్షేపాలు, చమురు నిక్షేపాల గురించి తెలిసింది. ఫలితంగా అక్కడ డ్రిల్లింగ్ కార్యకలాపాలు ప్రారంభమయ్యాయి. అమెరికా, రష్యా, డెన్మార్క్, ఫిన్లాం డ్, నార్వే, ఐస్ ల్యాండ్, కెనడా దేశాలు సరిహద్దుల గురిం చి, ప్రాంతీయ భద్రత గురించి చర్చలు జరుపుతున్నాయి. అనేక దేశాలు అక్కడ డ్రిల్లింగ్ మొదలు పెట్టాయి. ఒకవైపు గ్లోబల్ వార్మింగ్ భయాలు వెంటాడుతున్నప్పటికీ మరో వైపు చమురు నిక్షేపాల కోసం డ్రిల్లింగ్ ద్వారా భూ ఉప రితల ఉష్ణోగ్రత మరింత పెరగడానికి కారణమవుతున్నారు.
గ్లోబల్ వార్మింగ్ అంటే…
Earth1 - Copyవాతావరణంలో సుదీర్ఘకాలంగా చోటు చేసుకునే మార్పు ల వల్ల భూ ఉపరితల ఉష్ణోగ్రత పెరగడాన్ని గ్లోబల్ వార్మింగ్ అంటారు. భూమిపై జీవానికి కారణం సూర్యుడి నుంచి లభించే వేడి. సూర్యుని నుంచి వచ్చే రేడియేషన్ చాలా వరకు వాతావరణాన్ని ఢీకొని వెనక్కి పోతుంది, కాని వాతావరణంలోని వాయువుల వల్ల కొంత భూమికి చేరు కుంటుంది. భూమిపై జీవానికి కావలసినంత పరిమా ణంలో వేడి అందుతుంది. భూమి చుట్టు రక్షణ కవచంగా ఉన్న ఈ వాతావరణమే లేకపోతే భూమిపై జీవమే ఉండదు. వాతావరణంలో కార్బన్ డై ఆక్సయిడ్ చాలా ముఖ్యమైనది. భూమిలో కర్బనం చాలా రూపాల్లో ఉంది. బొగ్గు, చమురు వంటి ఇంధనాలను మండించడం వల్ల వాతావరణంలో కార్బన్ డై ఆక్సయిడ్ పెరుగుతుంది. చెట్లు నరకడం వల్ల చెట్లు తీసుకునే కార్బన్ డై ఆక్సయిడ్ తగ్గిపోవడం వల్ల కూడా వాతావరణంలో కార్బన్ డై ఆక్సయిడ్ పెరుగు తుంది. ఈ విధంగా పారిశ్రామికీకరణ కు ముందు కాలం కన్నా ఇప్పుడు వాతావరణంలో 42 శాతం అధికంగా కార్బన్ డై ఆక్సైడ్ ఉంది. గ్రీన్ హౌస్ వాయువుల్లో కార్బన్ డై ఆక్సయిడ్ ముఖ్యమైనది. ఇది సూర్యుని నుంచి వచ్చే వేడిని స్వీకరించి స్టోర్ చేస్తుంది. అందువల్ల ఇప్పుడు భూమి వాతావరణం మునుపటి కన్నా ఎక్కువగా ఉష్ణోగ్రతకు స్టోరేజ్ అయిపోయింది. ఫలితంగా భూ ఉపరితల ఉష్ణో గ్రత పెరుగుతోంది.

మన అవసరాలకు అత్యధికంగా ఆధారపడుతున్న ఇంధ నాల్లో శిలాజ ఇంధనాలే ముఖ్యమైనవి. ”ది స్కైస్ లిమిట్ : వై ది పారిస్ క్లయిమేట్ గోల్స్ రిక్వయిర్ ఏ మేనేజెడ్ డిక్లయిన్ ఆఫ్ ఫాసిల్ ఫ్యూయల్ ప్రొడక్షన్‌“ అనే నివేదిక ఈ సంద ర్భంగా గమనించదగింది. ప్రస్తుతం పనిచేస్తున్న ప్రాజెక్టుల నుంచి విడుదలవుతున్న గ్రీన్ హౌస్ వాయువులే భూ ఉపరి తల ఉష్ణోగ్రత పెరుగుదలను 2 డిగ్రీల సెంటీగ్రేడు దాటేలా చేస్తాయని ఆ రిపోర్టు పేర్కొంది. కాబట్టి భూ ఉపరితల ఉష్ణో గ్రత 1.5 డిగ్రీల సెంటీగ్రేడు లోపు ఉంచాలన్నా కనీసం 2 డిగ్రీలలోపు ఉంచాలన్నా ప్రస్తుతం పనిచేస్తున్న అనేక ప్రాజె క్టులు మూసివేయక తప్పదని కొందరి అంచనా. ఆయిల్ ఛేంజ్ ఇంటర్నేషనల్ ఎగ్జిక్యూటివ్ డైరెక్టరు స్టీఫెన్ క్రీజ్ మ్యాన్ ఈ విషయమై మాట్లాడుతూ పారిస్ లో ఒప్పుకున్న లక్ష్యాలను సాధించాలన్న సంకల్పం నిజంగా ఉంటే ప్రభుత్వాలు శిలాజ ఇంధనాల పరిశ్రమను విస్తరించకుండా ఆపేయాలి. ఈ రిపో ర్టు చదివితే మనకు స్పష్టంగా అర్ధమయ్యే వాస్తవం ఒక్కటే, పారిస్ లో ఐక్యరాజ్యసమితి ఆధ్వర్యంలో నిర్ణయించుకున్న లక్ష్యాలకు కళ్ళముందున్న వాస్తవాలకు పొంతన లేదు. నవం బరులో మొరాకోలోని మరాకష్‌లో ఐక్యరాజ్యసమితి వాతావ రణ సదస్సు జరగనుంది. ఈ లోపు పారిస్ సదస్సు ఒప్పం దాన్ని అమలులోకి తేవాలని భావిస్తున్నారు.

తీరప్రాంతాలకు తీరని ముప్పు
seaవాతావరణ మార్పుల వల్ల, సముద్రమట్టం పెరగ డం వల్ల తీరప్రాంతాల్లోని రెండుకోట్ల యాభై లక్షల మంది ప్రజలు 2050 నాటికి నిర్వాసితులవు తారని ఐక్యరాజ్యసమితి లెక్కలు చెబుతున్నాయి. భూ ఉపరితల ఉష్ణోగ్రతలో పెరుగుదల ఇదేవిధంగా కొన సాగితే ఆ తర్వాత ప్రతి సంవత్సరం 60 లక్షల మంది తమ ప్రాంతాలు వదిలి తరలిపోవలసి ఉంటుంది. గ్లోబల్ వార్మింగ్ వల్ల ప్రతి సంవత్సరం ప్రకృతి విప త్తులు పెరుగుతున్నాయి. ప్రతి సంవత్సరం ప్రజలు నిర్వాసితులవుతున్నారు. సముద్రాలలో ఉప్పదనం మరింత పెరుగుతోంది. పారిశ్రామికీకరణ ముందు కన్నా ఇప్పుడు సముద్రజలాల్లో ఆమ్లలక్షణాలు 26 శాతం పెరిగాయి.
రెయిన్ ఫారెస్ట్ యాక్షన్ సంస్థ పారిస్ ఒప్పందాన్ని ఆహ్వా నించింది. ఈ సంస్థకు చెందిన అమండా స్టార్ బక్ మాట్లాడు తూ ప్రమాదకరమైన వాతావరణ మార్పులు రాకుండా చేయాలంటే మన రాజకీయ నాయకులు, ఆర్థిక సంస్థల నేతలు శిలాజ ఇంధన పరిశ్రమ విస్తరించకుండా అడ్డుకోవా లని అన్నారు. శిలాజ ఇంధనాలపై ఆధారపడిన ప్రాజెక్టులను కొత్తగా చేపట్టరాదన్నది ఈ నిపుణులందరి అభిప్రాయం. అంటే, ఒప్పందంలో అంగీకరించిన స్థాయిలో భూ ఉపరితల ఉష్ణోగ్రతను కొనసాగించాలంటే కొత్తగా అనుమతిం చిన బొగ్గు గను లు, చమురు బావులు, సహజవాయు బావులను మూసివే యక తప్పదని అంటున్నారు. ఇదేమీ చిన్న విషయం కాదు. రాను న్న 20 సంవత్సరాలలోపు నెలకొనే శిలాజ ఇంధనాల కొత్త ప్రాజెక్టుల్లో దాదాపు 14 ట్రిలియన్ అమెరికన్ డాలర్ల పెట్టుబ డులున్నాయి. బొగ్గు గనులు, చమురు బావులు, సహ జవాయు బావుల్లో ఒకసారి పెట్టుబడి పెట్టిన తర్వాత వాటి నుంచి లాభాలు పొందడానికి ప్రయత్నాలు జరుగుతూనే ఉం టాయి. ఇంధనాలు మండుతూనే ఉంటాయి. కాలుష్యం పెరు గుతూనే ఉంటుంది. పెట్టుబడులను కాపాడుకోడానికి, లాభాలు చేజారి పోకుండా చూడడానికి పరిశ్రమలోని పెద్దలు తమ పలుకుబడిని ఉపయోగిస్తారు. ఫలితంగా అనుకున్న లక్ష్యాలు సాధించడం అంత తేలిక కాదు.

భారతదేశం
భారతదేశంలోను ఉష్ణోగ్రతలు పెరుగుతున్నాయి. 1950 తర్వాతి నుంచి దేశంలో రుతుపవనాల వర్షపాతం తగ్గుతోంది. మరోవైపు అకాల అతివృష్టి పెరుగుతోంది. ప్రపంచ సగటు ఉష్ణోగ్రత 2 డిగ్రీలు పెరిగితే భారతదేశంలో రుతుపవ నాలు ఎప్పుడొస్తాయో చెప్పలేని పరిస్థితి ఏర్పడుతుంది. కరువులు, వరదలు పెరగవచ్చు. 1970 తర్వాతి నుంచి దక్షిణాసియాలో చాలా భాగం వానలు తగ్గిపోయాయి. ఫలితంగా కరువు పరిస్థితులు తలెత్తుతున్నాయి. 1987, 2002 సంవత్సరాల్లో వచ్చిన కరువు వల్ల దేశంలో సగం పంటలు దెబ్బతిన్నాయి. ఉష్ణోగ్రత పెరిగితే కరువు పరిస్థితులు కూడా పెరగవచ్చు. పంట దిగుబడి బాగా తగ్గిపోతుంది. దేశంలో వ్యవసాయం 60 శాతం వర్షా లపై ఆధారపడింది.
పైన చెప్పిన రిపోర్టు ప్రారంభ పంక్తి గమనించదగింది. “మీరు గోతిలో ఉంటే ఇంకా లోతుగా తవ్వవద్దు”. కొత్తగా బొగ్గు తవ్వకాలు, బావుల నుంచి చమురు తీయడం, సహజ వాయువు వెలికి తీయడం వంటి కార్యకలాపాలన్నీ ఆపేసినా, ప్రస్తుతం పనిచేస్తున్న ప్రాజెక్టుల కారణంగా పెరిగే ఉష్ణోగ్రత స్థాయి 1.5 డిగ్రీలకు దాటుతుందని కొందరు నిపుణుల అంచ నా. చైనా ప్రపంచంలో గ్రీన్ హౌస్ వాయువులు విడుదల చేస్తున్న అతిపెద్ద దేశం. చైనా, ఇండోనేషియాలు కొత్తగా బొగ్గు గనుల ప్రాజెక్టులు ఆపేస్తామని ప్రకటించాయి. అమెరి కా మాత్రం ఈ విషయంలో ఇంకా తాత్సరం చేస్తున్నది. సౌర, పవన వంటి నిరంతరాయత గల ఆవృత విద్యుత్ వనరులను వాడుకోవాలని, డెన్మార్క్, జర్మనీ, నికరగువా దేశా లు ఈ విషయంలో అద్భుతమైన ఫలితాలు సాధిం చాయని రిపోర్టు తెలిపింది. ఆ విధంగా శిలాజ ఇంధనాల నుంచి ప్రత్యామ్నాయ ఇంధన వనరుల వైపునకు మళ్ళవచ్చు.
ఎంత చేసినా శిలాజ ఇంధనాల వాడకం పూర్తిగా ఆగిపోవడం అనేది జరగదు. అలాగే స్వచ్ఛమైన విద్యుత్ (క్లీన్ ఎనర్జీ) వైపు నకు మళ్ళడం అనేది అన్ని దేశాలు ఒకేవిధంగా చేయడం సాధ్యపడకపోవచ్చు. కాని రానున్న వాతావరణ మార్పుల ప్రమాదాన్ని అడ్డుకోవాలంటే కొన్ని కఠినమైన నిర్ణయాలు తప్పవు. ముఖ్యంగా అభివృద్ధి చెందిన, ధనిక దేశాల్లో కొన్ని గనులు, బావులను మూసేయాలి. పేద దేశాల్లో కర్బనేతర ఇంధనాల అభివృద్ధికి అవసరమైన ఆర్థిక సహాయం అందిం చాలి. అలాగే శిలాజ ఇంధనాల ఉత్పత్తి పర్యావరణ వైవిధ్యా న్ని దెబ్బతీస్తున్న ప్రదేశాల్లోను, స్ధానిక ప్రజలు, ఆదివాసీల హక్కులను కబళిస్తున్న ప్రాంతాల్లోను తక్షణం ఉత్పత్తులు ఆపేయాలి. అలాగే ఉపాధి కోసం శిలాజ ఇంధన పరిశ్రమలో పనిచేస్తున్న కార్మికుల విషయంలో కాని, సముదాయాల విష యంలో కాని ప్రభుత్వాలు ముందుకు వచ్చి వారికి అవసర మైన సహాయసహకారాలు అందించాలి. అమెరికా అధ్యక్ష ఎన్నికల్లో డెమొక్రటిక్ అభ్యర్థిగా పోటీపడుతున్న హిల్లరీ క్లింటన్ బొగ్గు వాడకం నుంచి ఇతర శక్తి వనరుల వైపు మర లడానికి 30 బిలియన్ డాలర్ల పథకం అమలు చేస్తానని అన్నా రు. బొగ్గు గని కార్మికులు, వారి కుటుంబాలను ఈ నిధి ద్వారా ఆదుకుంటామని ఆమె చెప్పారు. కాని సాంప్రదాయిక విద్యుత్ వనరుల నుంచి హఠా త్తుగా ప్రత్యామ్నాయ వనరులకు మారడం అంత తేలిక కాదు. దీనికి కొన్ని సంవత్సరాలు కాదు కొన్ని దశాబ్దాలు పట్టవచ్చు. శతాబ్దం మారక ముందే ఈ పని జరగడం కూడా అవసరం.

వాహెద్

Comments

comments