Home ఎడిటోరియల్ మూడేళ్లుగా పెరిగిన అన్నార్తులు

మూడేళ్లుగా పెరిగిన అన్నార్తులు

Within three years the number of children rose

ప్రపంచ వ్యాప్తంగా తృణధాన్యాల నిలవలు పెరిగిన దశలో అన్నార్తులు పెరగడం ఆందోళన కలిగించే అంశం. 2016లో ఉత్పత్తి అయిన తృణ ధాన్యాలకన్నా 2017లో 1.2 శాతం తృణధాన్యాల ఉత్పత్తి పెరిగిందని పంటలు, ఆహార పరిస్థితి పై ఎఫ్.ఎ.ఒ. 2018 మార్చిలో విడుదల చేసిన నివేదికలో తేలింది. దక్షిణ అమెరికాలో అత్యధికంగా తృణధాన్యాల ఉత్పత్తి 25.4 శాతం పెరిగింది. ఆఫ్రికాలో కూడా 2016తో పోలిస్తే 2017లో 10.8 శాతం ఎక్కువ తృణధాన్యాలు ఎక్కువ ఉత్పత్తి అయినాయి. అయినా ఎఫ్.ఎ.ఒ. గుర్తించిన దాని ప్రకారం ఆఫ్రికాలో 37 దేశాలలో 29 దేశాలలో ఇతర దేశాలనుంచి ఆహారపదార్థాలు సరఫరా చేయవలసిన పరిస్థితి ఉంది. ఘర్షణలు, నిర్వాసితులు కావడం, వాతావరణం అనుకూలించకపోవడం వల్ల ఆహార కొరత ఏర్పడింది. 

ఆహార భద్రత, పోషకాహారం 2018లో ప్రపంచ వ్యాప్తంగా ఎలా ఉందో తెలియజెప్పడానికి ఆహారం, వ్యవసాయ సంస్థ (ఎఫ్.ఎ.ఒ.) వెల్లడించి న నివేదికలో 2015 నుంచి వరసగా మూడేళ్లు అన్నార్తుల సంఖ్య పెరిగిందని పేర్కొంది. 2017 లో 82.1 కోట్ల మంది లేదా ప్రపంచ జనాభాలో 11 శాతం ఆకలికి అలమటిస్తున్నారు. 2030 కల్లా ఎవరూ ఆకలికి అలమటించకుండా చూడాలన్నది నిలకడగా అభివృద్ధి లక్ష్యంలో భాగం. గత దశాబ్ద కాలంలో ఈ లక్ష్య సాధనలో సానుకూల అంశాలు కనిపిస్తే మూడేళ్ల కాలంలో అన్నార్తుల సంఖ్య పెరిగింది. ప్రపంచ వ్యాప్తంగా తృణధాన్యాల నిలవలు పెరిగిన దశలో అన్నార్తులు పెరగడం ఆందోళన కలిగించే అంశం.

2016లో ఉత్పత్తి అయిన తృణ ధాన్యాలకన్నా 2017లో 1.2 శాతం తృణధాన్యాల ఉత్పత్తి పెరిగిందని పంటలు, ఆహార పరిస్థితి పై ఎఫ్.ఎ.ఒ. 2018 మార్చిలో విడుదల చేసిన నివేదికలో తేలింది. దక్షిణ అమెరికాలో అత్యధికంగా తృణధాన్యాల ఉత్పత్తి 25.4 శాతం పెరిగింది. ఆఫ్రికాలో కూడా 2016తో పోలిస్తే 2017లో 10.8 శాతం ఎక్కువ తృణధాన్యాలు ఎక్కువ ఉత్పత్తి అయినాయి. అయినా ఎఫ్.ఎ.ఒ. గుర్తించిన దాని ప్రకారం ఆఫ్రికాలో 37 దేశాలలో 29 దేశాలలో ఇతర దేశాలనుంచి ఆహారపదార్థాలు సరఫరా చేయవలసిన పరిస్థితి ఉంది. ఘర్షణలు, నిర్వాసితులు కావడం, వాతావరణం అనుకూలించకపోవడం వల్ల ఆహార కొరత ఏర్పడింది. వివిధ దేశాల్లో అంతర్గత పరిస్థితులు సవ్యంగా లేకపోతే ఆహార భద్రత కొరవడుతుంది.

ఆహార ధాన్యాలు అందుబాటులో లేనప్పుడు ఆకలిని నివారించడానికి అంతర్జాతీయ సమాజం అందించవలసిన సహాయంలో గందరగోళ పరిస్థితి ఉంటుంది. ఐజ్యరాజ్య సమితి ప్రపంచ ఆహార కార్యక్రమం ప్రకారం అంతర్జాతీయంగా ఆహారం అందించి సహాయం చేయడం వివిధ పథకాల ఆధారంగా కాకుండా అత్యవసర పరిస్థితిని ఎదుర్కోవడానికి మాత్రమే జరుగుతోంది. 1980లలో ఇలాంటి అత్యవసర పరిస్థితులు సగటున 15 ఉంటే 2000లలో అవి 30 శాతానికి పెరిగాయి. దీనివల్ల అన్నార్తులకు ప్రయోజనం కలిగిందో లేదో చెప్పలేం. తక్షణ సహాయం అందితే ప్రాణాలు నిలబడతాయి. కాని దీర్ఘకాలికంగా ఎదురయ్యే ఆహార కొరత తీరదు.

తరచుగా ఆహార పదార్థాల కొరత ఉండే దేశాలలో, నిరంతరం ఆకలితో అలమటించేవారిని ఆదుకోవడం, దానికి తోడు జనాభా పెరగడంవల్ల అత్యవసర సహాయంవల్ల ఫలితం ఉండదు. ఎందుకంటే ఆకలి ఎక్కువగా కనిపించిన సందర్భాలలోనే సహాయం అందుతుంది. ఇది ఆకలిని నిరోధించడానికి ఉపకరించదు. ఇలాంటి పరిస్థితి ఉండకూడదని మానవతావాద సంస్థలే చెప్తుంటాయి. కాని అత్యవసర సమయాల్లోనే సహాయం అందించడం నయా ఉదారవాద విధానాలకు అనుగుణమైన వ్యవహారం. ఉదారవాద విధానాలు అనుసరించే చోట ఆహార వ్యవస్థ గుత్త వ్యాపార సంస్థల చేతిలో ఉంటుంది. అందువల్ల ప్రపంచ వ్యాప్తంగా విస్తరించిన ఆహార సంస్థలకే మేలు కలుగుతుంది. మిగులు ఉన్నప్పుడు ఎగుమతులు చేయడం, వస్తు రూపంలోనే సహాయం అందించడం అనే వ్యాపార దృక్పథంవల్ల కొనుగోలు అవకాశాలను దెబ్బ తీస్తుంది.

ఆత్మ పరిశీలన చేసుకోవలసిన సమయం ఇది. ఆకలి ఎక్కువగా ఉన్న దేశాలు రాజకీయ అలసత్వం ప్రదర్శించి ఇది ఎప్పుడూ ఉండేదే అనుకోవడానికి వీలు లేదు. మన దేశం పరిస్థితే తీసుకుంటే ఆహార భద్రతకు చట్టం ఉన్నప్పటికీ ఆసియాలోని పోషకాహార లోపం ఉన్న వారిలో 51.5 శాతం మంది భారత్ లోనే ఉన్నారు. 2017నాటి ప్రపంచ ఆకలి సూచీలో మొత్తం 119 దేశాలు ఉంటే భారత్ 100వ స్థానంలో ఉంది. ఈ గణాంకాలను నీతి ఆయోగ్ తోసిపుచ్చింది. కాని వ్యవస్థలో లోపాలవల్ల మన దేశంలో లక్షలాది మంది పేదలకు ఆహార భద్రత కొరవడిందన్నది వాస్తవం కాదా? ఇలాంటి పరిస్థితిలో దీర్ఘకాలికంగా ఆకలితో అలమటించే వారు ఉన్నట్టే.

గత ఎనిమిది నెలలుగా వివిధ రాష్ట్రాల నుంచి ఆకలి చావుల వార్తలు తరచుగా వస్తున్నాయి. ఈ మరణాలకు దీర్ఘకాలికంగా ఆకలి తీరకపోవడం కారణం. భారత్ జనాభాలో మూడో వంతుమందికి ఆహారం అందదు. అయితే ఇది కేవలం ఆహారం అందుబాటులో లేనందువల్లే కాదు. ఆకలి అంటే కడుపు ఖాళీగా ఉండడమే కాదు. సరిపడినంత ఆహారం దొరకక పోవడం, సురక్షితమైన, పోషక విలువలున్న ఆహారం అందుబాటులో లేకపోవడం కూడా ఆకలి కిందే లెక్క. దీనివల్ల శారీరక ఎదుగుదల మందగిస్తుంది.

అవసరమైన వారికి ఆహారం అందేట్టు చేయాలి అంటే ఆదాయాల పునః పంపిణీ జరగాలి. అప్పుడే సామాజిక న్యాయం అందుతుంది. కాని ఉదారవాద ఆర్థిక విధానాలు అనుసరించే చోట సామాజిక న్యాయం కన్నా ఆర్థిక సామర్థ్యానికే ఎక్కువ విలువ ఇస్తారు. ఆహరం మానవ హక్కు. దీనికి ప్రభుత్వాలు పూచీ పడాల్సిందే. అభివృద్ధి ఫలితాలు నెమ్మదిగా కింది స్థాయికి అందుతాయి అన్న వాదన అనుమానాస్పదమైందే. నయా వుదారవాద విధానాలు సంపన్నుల సంపద పెంచుతాయి. అసమానతలు పెంచుతాయి. అసలు అధికారం ఎవరి చేతిలో ఉందన్న విషయాన్ని గమనించకుండా పోషకాహార లోపం, ఆకలిని పరిష్కరించడం సాధ్యం కాదు.

ఆకలిని అంతమొందించడానికి మరింత సహా యం, మెరుగైన అభివృద్ధివంటి మూస విధానాలు మానవ హక్కుల గురించి అందంగా అల్లే సిద్ధాంతాలకు పనికి రావచ్చునేమో కాని ఈ సూత్రాల అమలు ఎలా ఉంది అన్నదే అసలు వ్యవహారం. ఇది రాజకీయ నిర్ణయానికి సంబంధించిన అంశం.

                                                                                                                                             (ఇ.పి.డబ్ల్యు.సౌజన్యంతో)

Within three years the number of children rose

Telangana News