- Advertisement -
ఛట్ పూజకు వెళ్లి వస్తూ 10 మంది మృతి
గువాహతి: అస్సాంలోని కరీంగంజ్ జిల్లాలో గురువారం ఘోర రోడ్డు ప్రమాదం జరిగింది. ఛట్ పూజలో పాల్గొని తిరిగివస్తున్న భక్తుల ఆటోను సిమెంట్ లోడుతో ఉన్న టక్కు ఢీకొనడంతో ఆటోలోని 10 మంది ప్రయాణికులు మరణించారు. వీరిలో నలుగురు మహిళలు, ఇద్దరు పిల్లలు ఉన్నారు. అస్సాం-త్రిపుర హైవేలోని పత్తర్‌కండి ప్రాంతానికి చెందిన బైతకల్ వద్ద ఈ ప్రమాదం జరిగింది. సంఘటన స్థలంలోనే తొమ్మిదిమంది మరణించగా మరో వ్యక్తి ఆసుపత్రిలో చికిత్స పొందుతూ మరణించినట్లు పోలీసులు తెలిపారు. ప్రమాదంలో ఆటో డ్రైవర్ కూడా మరణించగా ట్రక్కు డ్రైవర్ ట్రక్కుతో సహా పరారయ్యాడని, అతని కోసం గాలిస్తున్నామని పోలీసులు తెలిపారు. ఈ సంఘటనతో ఆగ్రహోదగ్రులైన స్థానికులు హైవేను అడ్డగించి ప్రమాదానికి కారకుడైన ట్రక్కు డ్రైవర్‌ను వెంటనే అరెస్టు చేయాలని డిమాండు చేశారు.
- Advertisement -