- Advertisement -
హైదరాబాద్: రాచకొండ పోలీసులు భారీగా గంజాయి పట్టుకున్నారు. గంజాయి సరఫరా చేస్తున్న ముఠాను ఎస్ఒటి పోలీసులు అరెస్టు చేశారు. ఇంటెలిజెన్స్ సమాచారంతో గంజాయి ముఠాను పట్టుకున్నామని రాచకొండ సిపి మహేష్ భగవత్ వెల్లడించారు. గంజాయి విలువ దాదాపుగా రూ.2.8 కోట్లుగా ఉంటుందని, డ్రగ్స్ తరలింపు కేసులు ముగ్గురిని అరెస్టు చేశామన్నారు. ఫిరోజ్ పాటు మరో ఇద్దరు డ్రైవర్లు పరారీలో ఉన్నారన్నారు. మూడు వాహనాలు, ఐదు వేల రూపాయలు, ఆరు ప్లాస్టిక్ బ్యాగ్స్ ను సీజ్ చేశామన్నారు. నిందితులపై ఎన్ డిపిఎస్, పిడి యాక్ట్ కింద కేసులు నమోదు చేశామని సిపి మహేష్ భగవత్ వెల్లడించారు.
- Advertisement -