వేసవి ట్రావెల్ సీజన్‌కు ముందు, దుబాయ్ ఎకానమీ అండ్ టూరిజం డిపార్ట్‌మెంట్ (DET) మెట్రో నగరాలు, టైర్ II, III మార్కెట్‌లతో సహా భారతదేశం అంతటా వాణిజ్య వర్క్‌షాప్‌లు, మెగా ఫామిలియరైజేషన్ ట్రిప్‌లు, ఎగ్జిబిషన్‌లు, రోడ్‌షోలు వంటి B2B ట్రావెల్ ట్రేడ్ ఎంగేజ్‌మెంట్‌ల ద్వారా ప్రచారం చేయటంతో 2019తో పోలిస్తే 2023 మొదటి 5 నెలల్లో ఓవర్ నైట్ సందర్శకుల సంఖ్య పరంగా 23% పెరుగుదలను దుబాయ్ సాధించింది.
ఆంధ్రప్రదేశ్, కర్ణాటక, కేరళ, తమిళనాడు, గుజరాత్, పంజాబ్, ఢిల్లీ NCR, రాజస్థాన్, మహారాష్ట్ర, మధ్యప్రదేశ్, ఒడిశా, అస్సాం, ఉత్తరప్రదేశ్ లోని 30 నగరాల నుండి 200 మందికి పైగా ట్రావెల్ ఏజెంట్‌లతో మెగా పరిచయ యాత్రలను నిర్వహించింది. వేసవి సెలవుల కోసం దుబాయ్‌ని అంతర్జాతీయ గమ్యస్థానంగా ఉంచడానికి మార్చిలో, DET హైదరాబాద్, బెంగళూరు, చెన్నైలలో రోడ్‌షోలను నిర్వహించింది.
భారతదేశం నుండి ఇన్‌బౌండ్ ప్రయాణాన్ని మరింత పెంచడానికి, DET ఢిల్లీ, ముంబై, చెన్నై, హైదరాబాద్, బెంగళూరు వంటి మెట్రో నగరాల్లో వాణిజ్య వర్క్‌షాప్‌లను నిర్వహించింది. ఈ వర్క్‌షాప్‌లు దుబాయ్ యొక్క అభివృద్ధి చెందుతున్న పర్యాటక రంగం పై సమగ్ర పరిజ్ఞానం అందించాయి. ఈ వర్క్‌షాప్‌లలో ఎమిరేట్స్‌తో పాటు భారతదేశంలోని రెండు అతిపెద్ద ఎయిర్‌లైన్స్ ఇండిగో, విస్తారాలు 22 భారతీయ నగరాలకు ప్రత్యక్ష లింక్‌లతో దుబాయ్ యొక్క అసాధారణమైన విమాన కనెక్టివిటీని వెల్లడించారు.
దుబాయ్ ఎకానమీ అండ్ టూరిజం విభాగం దక్షిణాసియా అధిపతి బాదర్ అలీ హబీబ్ మాట్లాడుతూ.. “మాకు అత్యంత ప్రాధాన్యతా దేశం భారతదేశం, భారతీయ యాత్రికులకు దుబాయ్ యొక్క విభిన్న కోణాలను ప్రదర్శించడానికి మేము కట్టుబడి ఉన్నాము. మా దేశ వ్యాప్త కార్యక్రమాలు అద్భుతమైన ఫలితాలను అందించాయి, 2019తో పోలిస్తే ఓవర్ నైట్ సందర్శకుల సంఖ్య 23% పెరుగుదలతో సంవత్సరంలో మొదటి ఐదు నెలల్లో 1 మిలియన్ సందర్శకులను అధిగమించింది. అనుకూలమైన వీసా ప్రక్రియ, భారతీయ మార్కెట్‌పై మా కొనసాగుతున్న నిబద్ధత, దుబాయ్ యొక్క విభిన్న ఆకర్షణలు, మరింత మందిని ఆకర్షిస్తాయని మేము విశ్వసిస్తున్నాము..” అని అన్నారు.