- Advertisement -
న్యూఢిల్లీ : దేశంలో కరోనా కేసులు క్రమంగా తగ్గుముఖం పడుతున్నాయి. కొత్త కేసులు తాజాగా 2500 దిగువకు చేరాయి. మరోవైపు క్రియాశీల కేసులు కూడా తగ్గుతున్నాయి. శనివారం 4,05,156 కరోనా పరీక్షలు చేయగా, కొత్తగా 2487 కేసులు బయటపడ్డాయి. కరోనాతో 12 మంది ప్రాణాలు కోల్పోగా, ఇప్పటివరకు మృతి చెందిన వారి సంఖ్య 5,24,214 కు చేరింది. శనివారం 2878 మంది కోలుకోగా, ఇప్పటివరకు కోలుకున్నవారి సంఖ్య 4.25 కోట్లు (98.74 శాతం). కేసుల కన్నా రికవరీలే ఎక్కువగా ఉండటంతో క్రియాశీల కేసులు క్రమంగా తగ్గుతున్నాయి. ప్రస్తుతం క్రియాశీల కేసుల సంఖ్య 17,692 ( 0.04 శాతం) కు చేరాయి. వ్యాక్సినేషన్ డ్రైవ్‌కు సంబంధించి శనివారం 15,58, 119 మంది టీకాలు తీసుకోగా, ఇప్పటివరకు డోసులు తీసుకున్నవారి సంఖ్య 191.32 కోట్లు దాటింది.
- Advertisement -