అమృత్‌సర్: పంజాబ్‌లోని భగవంత్ మాన్ ప్రభుత్వం మొత్తం 25వేల ప్రభుత్వ ఉద్యోగాల ప్రతిపాదనను తన తొలి క్యాబినెట్ సమావేశంలో ఆమోదించింది. ఆ 25 వేల ఉద్యోగాల్లో 10వేల ఖాళీలు పంజాబ్ పోలీస్ శాఖవి కాగా, మిగతా 15వేల ఉద్యోగాలు ఇతర శాఖలకు చెందినవి. ఈ నిర్ణయంతో పంజాబ్‌లోని యువతకు కొంత మేరకైనా ఉద్యోగాలు లభించనున్నాయి. అక్కడ పారదర్శకంగా, మెరిట్ ఆధారంగా ఉద్యోగకల్పన ఉండగలదని తెలుస్తోంది. ‘ఈ ఉద్యోగాలకు సంబంధించిన ప్రకటన నెల రోజుల్లో వెలువడనుంది’ అని ముఖ్యమంత్రి కార్యాలయానికి చెందిన ఓ ప్రతినిధి తెలిపారు. ముఖ్యమంత్రి మాన్ అధ్యక్షతన జరిగిన ఈ క్యాబినెట్ సమావేశంలో మొత్తం 10 మంది మంత్రులు పాల్గొన్నారు. విశేషమేమిటంటే వారిని శనివారమే పదవుల్లోకి తీసుకున్నారు.
Chaired the first cabinet meeting. The Punjab cabinet has approved notification of 25,000 job vacancies within one month.
As we promised before the election, jobs opportunities for our Punjab's youth will be the topmost priority of AAP Govt.
— Bhagwant Mann (@BhagwantMann) March 19, 2022