దేశంలోనే అతిపెద్ద సమగ్రమైన ఆయిల్ పామ్ ప్లాంటేషన్ మరియు ప్రాసెసింగ్ కంపెనీ, 3F ఆయిల్ పామ్, అస్సాం రాష్ట్ర ప్రభుత్వంతో కలిసి ఈరోజు నేషనల్ మిషన్ ఆన్ ఎడిబుల్ ఆయిల్ – ఆయిల్ పామ్ (NMEO-OP) కింద ఆయిల్ పామ్ యొక్క ప్లాంటేషన్ వేడుకను నిర్వహించింది. గౌరవనీయులైన అస్సాం వ్యవసాయ మరియు ఉద్యానవన శాఖ మంత్రి అతుల్ బోరా సమక్షంలో, బోకనాల, బాగినడి బ్లాక్, లఖింపూర్ వద్ద ఈ కార్యక్రమం జరిగింది.
అస్సాం వ్యవసాయ శాఖ, జిల్లా పరిపాలన, లఖింపూర్, 3F ఆయిల్ పామ్ అస్సాంలో NMEO-OP కింద మొదటి ఆయిల్ పామ్ ప్లాంటేషన్‌గా గుర్తించబడ్డాయి. ఈ కార్యక్రమం ద్వారా వ్యవసాయ కమ్యూనిటీలను ఉద్ధరించడం మరియు వంట నూనెలలో భారతదేశం యొక్క స్వావలంబనకు దోహదం చేయడం లక్ష్యంగా పెట్టుకుంది. ఇది ఆయిల్ పామ్ ప్లాంటేషన్ రంగం అభివృద్ధి మరియు పురోగతికి ప్రభుత్వ నిబద్ధతను నొక్కి చెబుతుంది
ఆయిల్ పామ్ పరిశ్రమలో ప్రముఖ సంస్థ అయిన 3F ఆయిల్ పామ్ ఈ వేడుకను నిర్వహించింది. ఇది ఇప్పటికే లఖింపూర్ జిల్లాలోని బోకుల్‌బరి గ్రామంలో అత్యాధునిక ఆయిల్ పామ్ నర్సరీని, చిరాంగ్ వద్ద పైప్‌లైన్‌లో మరొక నర్సరీని ఏర్పాటు చేసింది. ఆయిల్ పామ్ అభివృద్ధి, ప్రాసెసింగ్ పరిశ్రమ పట్ల వారి నిబద్ధతకు గుర్తింపుగా, 3F ఆయిల్ పామ్ ఇప్పటికే డిసెంబర్ 2022లో అస్సాం ప్రభుత్వంతో MOU కుదుర్చుకుంది. NMEO-OPలో భాగంగా లఖింపూర్, చిరాంగ్ జిల్లాలలో సబ్-జోన్ 1-b మరియు V-aలో ఆయిల్ పామ్ తోటలు, ప్రాసెసింగ్ సౌకర్యాలను అభివృద్ధి చేయాలని లక్ష్యంగా పెట్టుకుంది.
ఈ సందర్భంగా 3F ఆయిల్ పామ్ మేనేజింగ్ డైరెక్టర్, CEO సంజయ్ గోయెంకా మాట్లాడుతూ, “NMEO-OP ఆధ్వర్యంలో ఆయిల్ పామ్ యొక్క తోటల పెంపకం ఆయిల్ అభివృద్ధికి ఒక ముఖ్యమైన ముందడుగు. డిసెంబర్ 2022లో ప్రభుత్వంతో అవగాహన ఒప్పందాన్ని కుదుర్చుకున్న తర్వాత, అత్యాధునిక నర్సరీని ఏర్పాటు చేసి, ప్లాంటేషన్‌ను ప్రారంభించిన మొదటి కంపెనీగా గుర్తించబడడం ఆనందంగా వుంది. మేము అస్సాంలో ఈ రంగం పురోగతికి తోడ్పడటానికి కట్టుబడి ఉన్నాము మరియు రాబోయే 5 సంవత్సరాలలో ఆయిల్ పామ్ కింద 20,000 హెక్టార్లకు పైగా విస్తరించాలని లక్ష్యంగా పెట్టుకున్నాము” అని అన్నారు.