- Advertisement -
అమరావతి: కడప జిల్లాలో ఘోర రోడ్డు ప్రమాదం చోటుచేసుకుంది. శనివారం జిల్లాలోని బ్రహ్మంగారి మఠం మండలంలో డి. అగ్రహారం సమీపంలోని బద్వేలు-మైదుకూరు జాతీయ రహదారిపై వేగంగా వచ్చిన ఓ లారీ, కారును ఢీకొట్టింది. ఈ ప్రమాదంలో కారులో ఉన్న నలుగురు అక్కడికక్కడే ప్రాణాలు కోల్పోయారు. మరో ముగ్గురికి తీవ్ర గాయాలయ్యాయి. సమాచారం అందుకున్న పోలీసులు వెంటనే సంఘటనాస్థలానికి చేరుకొని క్షతగాత్రులను సమీపంలోని ఆస్పత్రికి తరలించారు. అయితే, వారి పరిస్థితి విషమంగా ఉన్నట్లు తెలుస్తోంది. మృతదేహాలను పోస్ట్ మార్ట్ కోసం దావఖానకు తరలించారు. మృతులను కర్ణాటక రాష్ట్రంలోని మొగల్కోట్ కు చెందినవారిగా పోలీసులు గుర్తించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
4 spot dead in Road Accident in Kadapa
- Advertisement -