అహ్మదాబాద్: పది రూపాయల కోసం 17 ఏళ్ల బాలుడిని చంపిన సంఘటన గుజరాత్లోని అమరాయ్వాడి పోలీస్ స్టేషన్లో పరిధిలో చోటుచేసుకుంది. పోలీసులు తెలిపిన వివరాల ప్రకారం…. ఓ వ్యక్తి తన ద్విచక్రవాహనానికి బ్రేక్స్ ఫెయిల్ కావడంతో స్కూటర్ గ్యారేజ్కు తీసుకొచ్చాడు. గ్యారేజ్లో పని చేసే 17 ఏళ్ల యువకుడు బ్రేక్స్ ను సరి చేశాడు. అనంతరం బ్రేక్స్ సరి చేసినందకు పది రూపాయలు ఇవ్వాలని డిమాండ్ చేశాడు. ఏ పనిముట్లు వాడకుండా బ్రేక్స్ సరిచేయడంతో ఇవ్వనని వాహనాదారుడు ఆ యువకుడితో గొడవకు దిగాడు. ఇంటికి వెళ్లిన అనంతరం తన ఇద్దరు స్నేహితులకు కలిసి వాహనాదారుడు గ్యారేజ్ కు వచ్చి యువకుడితో గొడవకు దిగారు. కోపంతో ఊగిపోయిన వాహనాదారుడు పదునైన కత్తితో యువకుడి కడుపులో పొడిచాడు. స్థానికులు వెంటనే ఆ యువకుడిని ఆస్పత్రికి తరలించారు. అప్పటికే యువకుడి చనిపోయాడని ఆస్పత్రి వర్గాలు వెల్లడించాయి. గ్యారేజ్ యజమాని, యువకుడి కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. సిసి కెమెరాల ఆధారంగా నిందితులను గుర్తించామని పోలీసులు వెల్లడించారు.