న్యూఢిల్లీ: భారత్ లో కరోనా పాజిటివ్ కేసులు క్రమంగా తగ్గుతున్నాయి. గత 24 గంటల్లో 7,50,964 మందికి పరీక్షలు నిర్వహించగా 13,052 మందికి కరోనా వైరస్ సోకింది. మరో 13,965 మంది బాధితులు కోలుకున్నారు. అదే సమంయలో 127 మంది కరోనాతో మరణించారు. దేశంలో ఇప్పటివరకు మొత్తం కరోనా పాజిటివ్ కేసుల సంఖ్య 1,07,46,183కి చేరింది. దేశవ్యాప్తంగా ఇప్పటివరకు 1,54,274 మందిని కరోనా కబలించింది. ఇండియాలో ప్రస్తుతం 1,68,784 కరోనా యాక్టివ్ కేసులున్నాయి. భారత్ లో ఇప్పటివరకు 1,04,23,125 మంది బాధితులు కోలుకుని డిశ్చార్జ్ అయ్యారని కేంద్ర ఆరోగ్య మంత్రిత్వ శాఖ తాజాగా విడుదల చేసిన హెల్త్ బులిటెన్ లో పేర్కొంది. కాగా, భారత్ లో నిన్నటి వరకు మొత్తం 19,65,88,372 కోవిడ్-19 పరీక్షలు నిర్వహించినట్లు భారతీయ వైద్య పరిశోధన మండలి (ఐసిఎంఆర్) ప్రకటించింది.
13052 new covid-19 cases reported in india