- Advertisement -
పెనుబల్లి: ఖమ్మం జిల్లా పెనుబల్లి మండల కొతలంకపల్లిలో నవ వధువు దారుణ హత్యకు గురైన విషయం శుక్రవారం వెలుగులోకి వచ్చింది. నవ వధువు హత్య కేసులో భర్తే నిందితుడు కావడంతో పోలీసులు అరెస్టు చేశారు. పోలీసులు తెలిపిన వివరాల ప్రకారం… భార్య నవ్యరెడ్డిని భర్త నాగశేషురెడ్డి హత్య చేసి అనంతరం కనిపించడం లేదని మూడు రోజుల క్రితం ఎర్రుపాలెం పోలీస్ స్టేషన్ లో పిర్యాదు చేశాడు. ఓ మహిళ మృతదేహం కుక్కలగుట్టలో లభించించడంతో స్థానికులు సమాచారం మేరకు పోలీసులు అక్కడికి వెళ్లి పరిశీలించగా అయ్యవారి గూడెంకు చెందిన నవ్యరెడ్డిగా గుర్తించారు. స్థానికంగా ఉన్న సిసి కెమెరాల ఆధారంగా దర్యాప్తు జరపగా భర్తే నిందితుడని పోలీసులు తేల్చారు. వెంటనే నాగశేషు రెడ్డిని పోలీసులు అదుపులోకి తీసుకొని అరెస్టు చేశారు. హత్యకు గల వివరాలు ఇంకా తెలియరాలేదు.
- Advertisement -