యంగ్ రెబల్ స్టార్ ప్రభాస్, స్టార్ బ్యూటీ పూజా హెగ్డే జంటగా దర్శకుడు రాధాకృష్ణ కుమార్ తెరకెక్కిస్తున్న రొమాంటిక్, లవ్‌లీ ఎంటర్‌టైనర్ ‘రాధేశ్యామ్’. పాన్ ఇండియన్ సినిమాగా ఈ చిత్రాన్ని తెరకెక్కిస్తున్నారు. అన్ని భాషలలో కూడా ఈ సినిమాపై అంచనాలు భారీగా ఉన్నాయి. ఇప్పటికే విడుదలైన ప్రభాస్, పూజా హెగ్డే ఫస్ట్ లుక్‌లకు అద్భుతమైన స్పందన వచ్చింది. మోషన్ పోస్టర్‌కు కూడా మంచి స్పందన వచ్చింది. ఇక ప్రేమికుల రోజు సందర్భంగా ఫిబ్రవరి 14న ‘రాధే శ్యామ్’ గ్లింప్స్ విడుదల కానుంది.
రెబల్ స్టార్ డా.యు.వి.కృష్ణంరాజు సమర్పణలో గోపీకృష్ణ మూవీస్, యువి క్రియేషన్స్ కలిసి భారీ బడ్జెట్‌తో ఈ చిత్రాన్ని నిర్మిస్తున్నాయి. ఇక ‘రాధేశ్యామ్’ ప్రీ టీజర్‌ను చిత్రబృందం అభిమానులతో పంచుకుంది. ‘ఓ పోరాటయోధుడిగా, యాక్షన్ లవర్‌గా మీకు ప్రభాస్ తెలుసు. ఇప్పుడు ఆయన హృదయాన్ని తెలుసుకునే సమయం వచ్చింది. ప్రేమికుల దినోత్సవం రోజున మీరు నిజమైన ప్రేమను చూస్తారు’అని పేర్కొంటూ 30 సెకన్ల వీడియోను చిత్ర బృందం విడుదల చేసింది. ఈ వీడియోలో ప్రభాస్ ఓ ప్రేమికుడిగా యంగ్ లుక్‌లో కనిపించి అలరించాడు. ప్రస్తుతం ఈ వీడియో సోషల్ మీడియాలో జోరుగా వైరల్ అవుతోంది.