నవీన్ పోలిశెట్టి, రాహుల్ రామకృష్ణ, ప్రియదర్శి, ఫరియా అబ్దుల్లా ప్రధాన పాత్రలతో తెరకెక్కిన చిత్రం ‘జాతిరత్నాలు’. అనుదీప్ కె.వి. దర్శకత్వంలో నాగ్‌అశ్విన్ ఈ చిత్రాన్ని నిర్మించారు. ఈ మూవీ మహాశివరాత్రి సందర్భంగా గురువారం ప్రేక్షకుల ముందుకు వస్తోంది. ఈ సందర్భంగా హీరో నవీన్ పోలిశెట్టి మాట్లాడుతూ “ఔట్ అండ్ ఔట్ కామెడీ ఎంటర్‌టైనర్ ‘జాతిరత్నాలు’. ఈ చిత్రంలో జోగిపేట శ్రీకాంత్ పాత్రలో కనిపిస్తాను. ఇందులో నేను, రాహుల్ రామకృష్ణ, ప్రియదర్శి అమాయకులుగా దర్శనమిస్తాము. అయితే వీళ్ల దుర్మార్గం కూడా ఫన్నీగా ఉంటుంది. అలాగే హీరోహీరోయిన్ల లవ్ ట్రాక్ చాలా క్యూట్‌గా ఉంటుంది. ఇక నాగీ,ప్రియ, స్వప్న మా టీమ్‌లో నిజమైన జాతిరత్నాలు. ఇలాంటివారు కొత్తవారికి అవకాశాలు ఇస్తుంటే ప్రతి ఇంట్లో ఓ నవీన్ ఉంటాడు. ఇక సాధారణంగా గొప్పగొప్పవారిని జాతిరత్నాలు అంటాము. కానీ మా ‘జాతిరత్నాలు’ సెటైరికల్ మూవీ”అని అన్నారు.