- Advertisement -
హైదరాబాద్: కరోనా క్రైసిస్ ఛారిటీ(సిసిసి) ద్వారా తెలుగు సినీ కార్మికులకు ఉచితంగా కరోనా వ్యాక్సిన్ అందించేందుకు ప్ర‌య‌త్నిస్తామ‌ని మెగాస్టార్ చిరంజీవి అన్నారు. కింగ్ నాగార్జున న‌టించిన వైల్డ్‌డాగ్ మూవీని చిరు చూసిన తర్వాత చిత్రయూనిట్ హైద‌రాబాద్‌లో ప్రెస్ మీట్ ఏర్పాటు చేసింది. ఈ సందర్భంగా చిరు మాట్లాడుతూ.. చిత్రయూనిట్ పై ప్రశంసలు కురిపించారు. ఈ మూవీ అద్భుతంగా తెరకెక్కించారని, ప్రతీ ఒక్కరు చూడాల్సిన సినిమా వైల్డ్‌డాగ్ అని అన్నారు. కరోనా నేపథ్యంలో సినీ కార్మికులను అండగా ఉండేందుకు ఏర్పాటు చేసిన సిసిసిలో కొంత మొత్తం మిగిలి ఉందని, ఆ మొత్తంతో సినీ కార్మికులకు, వారి కుటుంబ సభ్యులకు ఉచితంగా కోవిడ్ టీకా ఇప్పించేందుకు ప్రయత్నిస్తున్నామని చిరంజీవి తెలిపారు.
Chiranjeevi speech at Wild Dog Press Meet
- Advertisement -