ఎలాంటి సినీ బ్యాక్ గ్రౌండ్ లేకుండా ఎంతో కష్టపడి పైకొచ్చిన యంగ్ స్టార్లలో విజయ్ దేవరకొండ ఒకరు. మొన్నటి వరకు ఒక లెక్క ఇప్పటి నుంచి మరొక లెక్క అనేలా సినిమాలు చేస్తున్నాడు. మొదటిసారి నెవర్ బిఫోర్ అనేలా ‘లైగర్’ అనే పాన్ ఇండియా సినిమాతో విజయ్ దేవరకొండ రాబోతున్న విషయం తెలిసిందే. ఇక ఈ సినిమాకు సంబంధించిన ఒక సర్‌ప్రైజ్ త్వరలోనే రానున్నట్లు తెలిసింది. డ్యాషింగ్ డైరెక్టర్ పూరి జగన్నాథ్ తెరకెక్కిస్తున్న ‘లైగర్’ సినిమాకు సంబంధించిన ఒక పోస్టర్ మాత్రమే విడుదలైంది. విజయ్ ఈ సినిమాలో ఒక బాక్సర్‌గా కనిపించబోతున్నాడు. ఫస్ట్ హాఫ్ మొత్తం నేషనల్ లెవెల్ బాక్సర్‌గా ఇక సెకండ్ హాఫ్ మొత్తం ఇంటర్నేషనల్ హై వోల్టేజ్ బాక్సర్‌గా కనిపిస్తాడని టాక్. ఇక విజయ్ పుట్టినరోజు సందర్భంగా పూరి ఒక సర్‌ప్రైజ్ ప్లాన్ చేసినట్లు సమాచారం. మే 9న విజయ్ దేవరకొండ బర్త్ డే కావడంతో తప్పకుండా ‘లైగర్’కు సంబంధించిన ఒక అప్‌డేట్ వస్తుందని అభిమానులు ఎంతో ఆతృతగా ఎదురుచూస్తున్నారు. ఈ మేరకు ఫిల్మ్‌మేకర్స్ ఫస్ట్ లుక్ టీజర్‌ను రిలీజ్ చేయవచ్చని తెలిసింది. అది కుదరకపోయినా మోషన్ పోస్టర్ అయినా వస్తుందట. ఎదో ఒక విధంగా ఫ్యాన్స్‌ను ఖుష్ చేయాలని లైగర్ టీమ్ ప్లాన్ చేసిందట. మరి ఆ సర్‌ప్రైజ్ ఎలా ఉంటుందో చూడాలి.
Liger Movie Teaser to release on May 9