- Advertisement -
హైదరాబాద్: ప్రముఖ సినీనటుడు, జనసేన అధినేత పవన్ కల్యాణ్ కరోనా నుండి కోలుకున్నారు. పవన్ కల్యాణ్ ఏప్రిల్ లో కరోనా బారినపడి తన వ్యవసాయ క్షేత్రంలో విశ్రాంతి తీసుకుంటున్న సంగతి తెలిసిందే. పవన్ కల్యాణ్ కు మూడ్రోజుల క్రితం వైద్యులు ఆర్టీపీసీఆర్‌ టెస్టులు చేశార‌ని, అందులో నెగెటివ్‌గా వచ్చిందని పవన్ కల్యాణ్ రాజ‌కీయ కార్య‌ద‌ర్శి హ‌రిప్ర‌సాద్ పేరిట ఓ ప్ర‌క‌ట‌న విడుదలైంది. ఆరోగ్య ప‌రంగా పవన్ క‌ల్యాణ్‌కు ఎలాంటి ఇబ్బందులు లేవ‌ని డాక్టర్లు తెలిపార‌ని అందులో తెలిపారు. తన ఆరోగ్యం బాగుప‌డాల‌ని పూజ‌లు, ప్రార్థ‌న‌లు చేసిన జ‌న‌సైనికులు, అభిమానుల‌కు పవన్ కృత‌జ్ఞ‌త‌లు తెలిపార‌ని పేర్కొన్నారు. ఇప్పటికే పలువురు ప్రముఖులు కరోనా మహమ్మారి బారిన పడి కోలుకున్న విషయం తెలిసిందే.
Pawan Kalyan tests negative for Covid-19
- Advertisement -