- Advertisement -
అమరావతి: భార్య, కుమారుడిపై తండ్రి గొడ్డలితో దాడి చేసిన సంఘటన కృష్ణా జిల్లా తిరువూరు మండలం టేకులపల్లిలో జరిగింది. పోలీసులు తెలిపిన వివరాల ప్రకారం… టేకులపల్లిలో సత్యనారాయణ రెడ్డి- పద్మావతి అనే దంపతులు నివసిస్తున్నారు. దంపతులకు నర్సిరెడ్డి అనే కుమారుడు ఉన్నాడు. భర్త తన భార్య, తనయుడిపై గొడ్డలితో దాడి చేశాడు. ఘటనా స్థలంలోనే భార్య మృతి చెందగా కుమారుడు నర్సిరెడ్డి పరిస్థితి విషమంగా ఉండడంతో స్థానిక ఆస్పత్రికి తరలించారు. దాడి చేసిన అనంతరం సత్యనారాయణ రెడ్డి ద్విచక్రవాహనంపై పారిపోయాడు. రెడ్డిగూడెం శివారులో నిందితుడిని పోలీసులు అదుపులోకి తీసుకున్నారు.
- Advertisement -