- Advertisement -
కిరణ్ అబ్బవరం, ప్రియాంకా జవాల్కర్ జంటగా నటిస్తున్న చిత్రం ‘ఎస్‌ఆర్ కళ్యాణమండపం’. ఈ సినిమాలోని ‘సిగ్గేందుకురా మావ’ సాంగ్‌ను దర్శకుడు సుకుమార్ రిలీజ్ చేశారు. శ్రీధర్ గాదే దర్శకత్వం వహిస్తున్న ఈ చిత్రం నుంచి ఇప్పటికే విడుదలైన పోస్టర్స్, టీజర్, ట్రైలర్‌తో పాటు చూసాలే కళ్లారా, చుక్కల చున్నీనే సాంగ్స్ ప్రేక్షకులను విశేషంగా ఆకట్టుకున్నాయి. ఈ క్రమంలో ఇప్పుడు ‘సిగ్గేందుకురా మావ’ సాంగ్‌ను చిత్ర బృందం విడుదల చేసింది. ఈ సాంగ్‌కి భాస్కరభట్ల రవికుమార్ సాహిత్యం అందించగా, చేతన్ భరద్వాజ్ సంగీతం అందించాడు. అనురాగ్ కులకుర్ణి పాడిన విధానం యూత్ ఆడియన్స్‌ని బాగా ఆకట్టుకుంటోంది. ఇక ఈ చిత్రాన్ని థియేటర్స్‌లోనే విడుదల చేయనున్నట్లు మేకర్స్ అధికారికంగా వెల్లడించారు.
- Advertisement -