ఐటమ్ సాంగ్‌లో…

నందమూరి బాలకృష్ణ, బోయపాటి శ్రీను కాంబినేషన్‌లో తెరకెక్కుతున్న యాక్షన్ ఎంటర్‌టైనర్ ‘అఖండ’. సింహా, లెజెండ్ వంటి సూపర్ హిట్ సినిమాల తర్వాత వీరి కలయికలో వస్తున్న ఈ హ్యాట్రిక్ మూవీపై భారీ అంచనాలు నెలకొన్నాయి. బాలకృష్ణ ద్విపాత్రాభినయం చేస్తున్న ’అఖండ’ చిత్రంలో నందమూరి అభిమానులు ఏమేమి ఆశిస్తారో అన్ని అంశాలు ఉండేలా చూసుకుంటున్నారు. ఇందులో యాక్షన్ ఎపిసోడ్స్, – బాలయ్య శైలి డైలాగ్స్‌కు కొదవలేదని ఇప్పటికే విడుదలైన ప్రమోషనల్ కంటెంట్‌తో అర్థమైంది. అలానే ఫ్యాన్స్‌ను మరింత ఉత్సాహపరచడానికి ఓ ఐటమ్ సాంగ్‌ను ప్లాన్ చేస్తున్నట్లు తెలిసింది. మాస్ ఆడియన్స్‌ను ఉర్రూతలూగించేలా ఈ స్పెషల్ సాంగ్ ని ప్లాన్ చేస్తున్నారట. దీని కోసం రాయ్ లక్ష్మీని తీసుకోనున్నారని టాక్. ఈ భామ గతంలో బాలకృష్ణ సరసన ‘అధినాయకుడు’ చిత్రంలో హీరోయిన్ గా నటించిన సంగతి తెలిసిందే. ఇప్పుడు రాయ్ లక్ష్మీ మరోసారి బాలయ్యతో ఆడి పాడనుందని అంటున్నారు. కాగా మిర్యాల రవీందర్ రెడ్డి నిర్మిస్తున్న ఈ చిత్రంలో ప్రగ్యా జైస్వాల్, – పూర్ణ హీరోయిన్లుగా నటిస్తున్నారు.