పవర్ స్టార్ పవన్ కళ్యాణ్, హీరో దగ్గుబాటి రానా కాంబినేషన్‌లో ప్రస్తుతం ‘అయ్యప్పనుమ్ కోషియం’ రీమేక్ అవుతోంది. గత ఏడాది రిలీజ్ అయినటువంటి ఈ చిత్రం మలయాళంలో బాక్సాఫీస్ హిట్‌గా నిలిచింది. అయితే ఒరిజినల్‌లో పృథ్వీరాజ్ సుకుమారన్, బిజు మీనన్ ప్రధానపాత్రల్లో నటించారు. ప్రస్తుతం తెలుగులో పవన్ కళ్యాణ్, – రానా కాంబినేషన్‌లో ఈ చిత్రం తెరకెక్కుతోంది. అయితే మలయాళంలో ఈ సినిమాలో మంచి ఫైట్స్ కూడా ఉంటాయి.
ఇక మన తెలుగు నేటివిటీకి తగ్గట్టుగా మేకర్స్ ఈ స్క్రిప్ట్ రెడీ చేశారు. సాగర్ చంద్ర దర్శకత్వం వహిస్తున్న ఈ చిత్రంలో నాలుగు ఫైట్స్ ఉన్నట్లు తెలిసింది. సమ్‌థింగ్ స్పెషల్‌గా ఈ ఫైట్స్ ఉంటాయట. అయితే ఇద్దరు వ్యక్తుల అహంకారం ద్వారా వారి కుటుంబాలు ఎలాంటి బాధలను ఎదుర్కొంటాయి? అనేది చాలా ఎమోషనల్‌గా సినిమాలో ఉండబోతుందని సమాచారం. సితార ఎంటర్‌టైన్‌మెంట్స్ బ్యానర్‌పై నిర్మిస్తున్న ఈ చిత్రానికి అగ్రదర్శకుడు త్రివిక్రమ్ మాటలు అందిస్తున్నాడు. ప్రస్తుతం ఈ సినిమాపై ప్రేక్షకులలో భారీ అంచనాలు నెలకొన్నాయి.