- Advertisement -
కోల్‌కతా: మాజీ రాష్ట్రపతి ప్రణబ్‌ముఖర్జీ కుమారుడు అభిజిత్ ముఖర్జీ టిఎంసిలో చేరారు. సోమవారం కోల్‌కతాలో జరిగిన ఓ కార్యక్రమంలో అభిజిత్ టిఎంసిలో చేరారు. తన చేరిక అనంతరం టిఎంసి అధినేత్రి, బెంగాల్ ముఖ్యమంత్రి మమతాబెనర్జీని ప్రశంసల్లో ముంచెత్తారు. బెంగాల్‌లో బిజెపి మత రాజకీయాల గాలిని మమత దారి మళ్లించినతీరు అభినందనీయమని అభిజిత్ అన్నారు. ఇతరుల సహాయం తీసుకొని భవిష్యత్‌లో దేశవ్యాప్తంగా మమత ఆ పని చేయగలరన్న విశ్వాసం తనకున్నదన్నారు. కాంగ్రెస్ పార్టీలో తనకు ప్రాథమిక సభ్యత్వం మినహా ఏ పదవీ లేదని అభిజిత్ అన్నారు. జంగీపూర్ లోక్‌సభ స్థానం నుంచి ఆ పార్టీ తరఫున 2012, 2014 ఎన్నికల్లో గెలిచిన అభిజిత్ 2019 ఎన్నికల్లో టిఎంసి అభ్యర్థి ఖలీలుర్ రెహ్మాన్ చేతిలో ఓడిపోయారు.
- Advertisement -